ಮಂಡ್ಯ: ಜೆಡಿಎಸ್-ಕಾಂಗ್ರೆಸ್ ಮೈತ್ರಿ ಅಭ್ಯರ್ಥಿ ನಿಖಿಲ್ ಕುಮಾರಸ್ವಾಮಿ ಗೆದ್ದರೆ ಸದಸ್ಯತ್ವ ಅಸಿಂಧು ಆಗುವುದು ಗ್ಯಾರಂಟಿ ಎಂದು ಸಾಮಾಜಿಕ ಹೋರಾಟಗಾರ ಟಿ.ಜೆ.ಅಬ್ರಹಾಂ ಹೇಳಿದ್ದಾರೆ.
ಮಾಧ್ಯಮಗಳ ಜೊತೆ ಮಾತನಾಡಿದ ಅವರು, ನಿಖಿಲ್ ಕುಮಾರಸ್ವಾಮಿ ಗೆದ್ದರೆ ಸದಸ್ಯತ್ವ ಅಸಿಂಧು ಆಗುವುದು ಗ್ಯಾರಂಟಿ. ಹಾಗಾಗಿ ಅವರನ್ನು ರಾಜ್ಯಸಭೆ ಸದಸ್ಯನನ್ನಾಗಿ ಮಾಡಿ, ಸುಮಲತಾ ಅಂಬರೀಶ್ಗೆ ಅವಕಾಶ ನೀಡಿ ಎಂದು ಮನವಿ ಮಾಡಿದ್ದಾರೆ.
ನಾಮಪತ್ರ ಸಲ್ಲಿಕೆ ವೇಳೆ ಹಾಗೂ ನಂತರ ನೀಡಿರುವ ಫಾರಂ ನಂಬರ್ 26(ಅಫಿಡವಿಟ್)ರಲ್ಲಿ ದೋಷವಿದೆ. ಈ ಕುರಿತು ನಾನು ಕೋರ್ಟ್‌ಗೆ ಹೋಗಲಿದ್ದೇನೆ. ಜೊತೆಗೆ ಸಂಸದರ ಪುತ್ರನ ಆಡಿಯೋ ಸಾಕ್ಷಿಯಾಗಿ ತೆಗೆದುಕೊಂಡು ಭ್ರಷ್ಟಾಚಾರ ಕುರಿತು ದೂರು ನೀಡಲಾಗಿದೆ. ಹೀಗಾಗಿ ನಿಖಿಲ್ ಸದಸ್ಯತ್ವ ಅಸಿಂಧು ಆಗುವ ನಂಬಿಕೆ ಇದೆ ಎಂದರು.
ಈ ಹಿನ್ನೆಲೆ ದೊಡ್ಡಗೌಡರ ಜೊತೆ ಮಾತುಕತೆ ಮಾಡಿ ರಾಜ್ಯಸಭಾ ಸದಸ್ಯರನ್ನಾಗಿ ಮಾಡಿಸುವುದು ಉತ್ತಮ. ಬೆಂಗಳೂರು ಕುಡಿಯುವ ನೀರು ವಿಚಾರವಾಗಿ ಸಿಎಂ ಕುಮಾರಸ್ವಾಮಿ ನೀತಿ ಸಂಹಿತೆ ಉಲ್ಲಂಘನೆ ಮಾಡಿದ್ದಾರೆ. ಈ ಬಗ್ಗೆಯೂ ದೂರು ನೀಡಿದ್ದು, ಚುನಾವಣಾ ಆಯೋಗ ರಾಜ್ಯ ಮುಖ್ಯಕಾರ್ಯದರ್ಶಿ ಬಳಿ ವರದಿ ಕೇಳಿದೆ ಎಂದರು.
