ಶ್ರೀರಂಗಪಟ್ಟಣದಲ್ಲಿ ಹುಚ್ಚ ವೆಂಕಟ್ ಹುಚ್ಚಾಟ: ಸಾರ್ವಜನಿಕರಿಂದ ಧರ್ಮದೇಟು

ಜ್ಯೂಸ್ ಅಂಗಡಿ ಮಾಲೀಕನ ಮೇಲೆ ಕೈ ಮಾಡಿ ರಂಪಾಟ ಮಾಡಿರುವ ಹುಚ್ಚ ವೆಂಕಟ್​ ಶ್ರೀರಂಗಪಟ್ಟಣದಲ್ಲಿ ಸಾರ್ವಜನಿಕರಿಂದ ಗೂಸಾ ತಿಂದಿದ್ದಾನೆ.

ಮಂಡ್ಯ: ಹುಚ್ಚ ವೆಂಕಟ್ ಹುಚ್ಚಾಟ ಇಂದು ಶ್ರೀರಂಗಪಟ್ಟಣದಲ್ಲಿ ಮುಂದುವರೆದಿದ್ದು, ಕಬ್ಬಿನ ಜ್ಯೂಸ್ ಕುಡಿದು ಹಣ ಕೊಡದೆ ಸಾರ್ವಜನಿಕರಿಂದ ಗೂಸಾ ತಿಂದಿದ್ದಾನೆ.

ಇಂದು ಸಂಜೆ ಶ್ರೀರಂಗಪಟ್ಟಣದ ರಸ್ತೆ ಬದಿಯ ಕಬ್ಬಿನ ಜ್ಯೂಸ್ ಸೆಂಟರ್​ನಲ್ಲಿ ಜ್ಯೂಸ್ ಸೇವಿಸಿದ ಹುಚ್ಚ ವೆಂಕಟ್, ಹಣ ನೀಡದೆ ಮಾಲೀಕನ ಮೇಲೆ ಹಲ್ಲೆ ಮಾಡಿದ್ದಾನೆ. ಈ ಸಂದರ್ಭ ಸ್ಥಳದಲ್ಲೇ ಇದ್ದ ಸ್ಥಳೀಯರು ಸರಿಯಾಗಿ ಗೂಸಾ ನೀಡಿ ಬುದ್ಧಿ ಕಲಿಸಿದ್ದಾರೆ.

ಹುಚ್ಚ ವೆಂಕಟ್​ಗೆ ಸಾರ್ವಜನಿಕರಿಂದ ಧರ್ಮದೇಟು

ನಿನ್ನೆಯಷ್ಟೇ ಶ್ರೀರಂಗಪಟ್ಟಣದಲ್ಲಿ ಕೂಗಾಡಿ ರಂಪಾಟ ಮಾಡಿದ್ದ ಹುಚ್ಚ ವೆಂಕಟ್, ಇಂದು ಸಹ ತನ್ನ ಹುಚ್ಚಾಟ ಮುಂದುವರೆಸಿದ್ದಾನೆ. ಕೆಲವರು ಸಾರ್ವಜನಿಕರನ್ನು ಸಮಾಧಾನ ಮಾಡಿ ಹುಚ್ಚ ವೆಂಕಟ್​ನನ್ನು ಬಿಡಿಸಿದ್ದಾರೆ. ಇಲ್ಲವಾದರೆ ಮತ್ತಷ್ಟು ಧರ್ಮದೇಟು ಬೀಳುತ್ತಿತ್ತು.