ಸಕ್ಕರೆ ನಾಡಲ್ಲಿ 520 ಕೊರೊನಾ ಕೇಸ್​ ಪತ್ತೆ.. ವೀಕೆಂಡ್​​ ಕರ್ಫ್ಯೂ​ಗೆ ಹೆದರಿ ಮದ್ಯಕ್ಕೆ ಮೊರೆ ಹೋದ ಜನ

ಸಕ್ಕರೆ ನಾಡಲ್ಲಿ ಶುಕ್ರವಾರ ಒಂದೇ ದಿನದಲ್ಲಿ 520 ಕೊರೊನಾ ಪ್ರಕರಣಗಳು ಕಂಡು ಬಂದಿದ್ದು, ವೀಕೆಂಡ್​ ಕರ್ಫ್ಯೂಯಿಂದಾಗಿ ಮದ್ಯ ಪ್ರಿಯರು ವೈನ್​ ಶಾಪ್​ಗಳ ಮುಂದೆ ಜಮಾಯಿಸಿದ್ದು ಕಂಡು ಬಂತು.

ಮಂಡ್ಯ: ಸಕ್ಕರೆ ನಾಡು ಮಂಡ್ಯ ಜಿಲ್ಲೆಯಲ್ಲಿ ದಿನೇ ದಿನೆ ಕೊರೊನಾ ಪ್ರಕರಣಗಳು ಹೆಚ್ಚುತ್ತಲೇ ಇವೆ. ಕಡಿವಾಣ ಹಾಕುವುದಕ್ಕೆ ಜಿಲ್ಲಾಡಳಿತ ಯತ್ನಿಸುತ್ತಲೇ ಇದ್ದು, ಇತ್ತ ಜನ ವೀಕೆಂಡ್​ ಕರ್ಫ್ಯೂಯಿಂದಾಗಿ ಮದ್ಯ ಖರೀದಿಸಲು ಕೋವಿಡ್​ ನಿಯಮ ಉಲ್ಲಂಘಿಸಿರುವುದು ಕಂಡು ಬಂತು.

520 ಕೊರೊನಾ ಪ್ರಕರಣಗಳು...

ಶುಕ್ರವಾರ ಜಿಲ್ಲೆಯಲ್ಲಿ 520 ಮಂದಿಗೆ ಕೊರೊನಾ ಸೋಂಕು ವಕ್ಕರಿಸಿದೆ. ಈ ಮೂಲಕ ಸೋಂಕಿತರ ಸಂಖ್ಯೆ 24,072 ಕ್ಕೆ ಏರಿಕೆಯಾಗಿದೆ. ನಿನ್ನೆ 142 ಮಂದಿ ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದು, ಈವರೆಗೆ 21,189 ಮಂದಿ ಗುಣಮುಖವಾಗಿದ್ದಾರೆ.

ಸಕ್ಕರೆ ನಾಡಲ್ಲಿ 520 ಕೊರೊನಾ ಕೇಸ್​ ಪತ್ತೆ

2,704 ಸಕ್ರಿಯ ಪ್ರಕರಣಗಳಿಗೆ ಚಿಕಿತ್ಸೆ ಪಡೆಯುತ್ತಿದ್ದಾರೆ. ನಿನ್ನೆ ನಾಲ್ವರು ಕೊರೊನಾಗೆ ಬಲಿಯಾಗಿದ್ದು, ಈವರೆಗೆ ಜಿಲ್ಲೆಯಲ್ಲಿ 178 ಕೋವಿಡ್​ ಸಾವಿನ ಸಂಖ್ಯೆ ಏರಿಕೆಯಾಗಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮಾಹಿತಿ ‌‌‌ನೀಡಿದೆ.

ಸಕ್ಕರೆ ನಾಡಲ್ಲಿ 520 ಕೊರೊನಾ ಕೇಸ್​ ಪತ್ತೆ

ಜಿಲ್ಲಾ ಸರ್ವೇಕ್ಷಣಾಧಿಕಾರಿ ಮಾಹಿತಿ ಪ್ರಕಾರ, ಮಂಡ್ಯ 163, ಮದ್ದೂರು 67, ಮಳವಳ್ಳಿ 39, ಪಾಂಡವಪುರ 46, ಶ್ರೀರಂಗಪಟ್ಟಣ 42, ಕೆ.ಆರ್.ಪೇಟೆ 61, ನಾಗಮಂಗಲ 92, ಹೊರ ಜಿಲ್ಲೆಯ 10 ಪ್ರಕರಣ ದಾಖಲಾಗಿವೆ.

ಲಾಕ್​ಡೌನ್​ ಭೀತಿ, ಮದ್ಯಗೆ ಮೊರೆ...

ನಿನ್ನೆಯಿಂದ ವೀಕೆಂಡ್ ಕರ್ಫ್ಯೂ ಜಾರಿಯಾಗಿದೆ. ಹೀಗಾಗಿ ನಗರದ ಬಾರ್​ಗಳ ಬಳಿ ಎಣ್ಣೆಗಾಗಿ ಜನರು ಮುಗಿಬಿದ್ದಿದ್ದರು. ಮಂಡ್ಯ ನಗರದ ಮಾರ್ತಾಂಡ ಬಾರ್ ಬಳಿ ಸಾರ್ವಜನಿಕರು ಕೊರೊನಾ ಭಯ ಬಿಟ್ಟು ಮದ್ಯ ಖರೀದಿಸಲು ಮುಗಿಬಿದ್ದರು. ಮದ್ಯಪ್ರಿಯರು ಮಾಸ್ಕ್ ಹಾಗೂ ಸಾಮಾಜಿಕ ಅಂತರ ಮರೆತು ಮದ್ಯ ಖರೀದಿ ಮಾಡಿದ್ದರು. ನಿನ್ನೆ ರಾತ್ರಿ 9 ರಿಂದ ಸೋಮವಾರ ಬೆಳಗ್ಗೆ 6 ರ ವರೆಗೆ ಬಾರ್ ಬಂದ್ ಹಿನ್ನೆಲೆ ಈ ದೃಶ್ಯ ಕಂಡು ಬಂತು.