ಕೊಪ್ಪಳ: ವಸತಿ ಶಾಲೆಯಲ್ಲಿ ಸರಿಯಾಗಿ ಊಟ ನೀಡದ ಕಾರಣ ವಿದ್ಯಾರ್ಥಿಗಳು ರಾತ್ರೋರಾತ್ರಿ ಪ್ರತಿಭಟನೆ ನಡೆಸಿದ ಘಟನೆ ನಡೆದಿದೆ.
ವಸತಿ ಶಾಲೆ ವಿದ್ಯಾರ್ಥಿಗಳ ಧರಣಿ
ಜಿಲ್ಲೆಯ ಯಲಬುರ್ಗಾ ತಾಲೂಕಿನ ಚಿಕ್ಕಮ್ಯಾಗೇರಿಯಲ್ಲಿರುವ ಡಾ. ಬಿ.ಆರ್. ಅಂಬೇಡ್ಕರ್ ವಸತಿ ಶಾಲೆಯಲ್ಲಿ ವಿದ್ಯಾರ್ಥಿಗಳು ರಾತ್ರಿ ಊಟ ಮಾಡದೆ ಪ್ರತಿಭಟನೆ ನಡೆಸಿದರು. ಊಟಕ್ಕೆ ಚಪಾತಿ ನೀಡದೆ ಬರಿ ಅನ್ನ ಸಾರು ಮಾತ್ರ ನೀಡಿದ್ದರಿಂದ ವಿದ್ಯಾರ್ಥಿಗಳು ಊಟ ಮಾಡದೆ ಪ್ರತಿಭಟನೆ ನಡೆಸಿದರು.
ಊಟಕ್ಕೆ ಚಪಾತಿ ನೀಡದೆ ಬರೀ ಅನ್ನ ಸಾರು ನೀಡುತ್ತಾರೆ. ಅಲ್ಲದೆ ಸರಿಯಾಗಿ ಊಟ ನೀಡುವುದಿಲ್ಲ, ಆಹಾರಕ್ಕೆಂದು ತಂದಿರುವ ಕಾಳುಗಳು ಹುಳು ಹಿಡಿದಿವೆ ಎಂದು ಆರೋಪಿಸಿ ಮೇಲ್ವಿಚಾರಕರ ವಿರುದ್ಧ ವಿದ್ಯಾರ್ಥಿಗಳು ಆಕ್ರೋಶ ವ್ಯಕ್ತಪಡಿಸಿದರು.
