ಟ್ರಾವೆಲ್​ ಹಿಸ್ಟರಿಯೇ ಇಲ್ಲದ ಯುವಕನಿಗೆ ಕೊರೊನಾ: ಕಿಲ್ಲಾ ಮತ್ತೆ ಸೀಲ್ ​ಡೌನ್​

ಗಂಗಾವತಿಯ ಕಿಲ್ಲಾ ಏರಿಯಾದ 26 ವರ್ಷದ ಯುವಕನಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಏರಿಯಾವನ್ನು ಮತ್ತೆ ಸೀಲ್​ ಡೌನ್​ ಮಾಡಲಾಗಿದೆ.

ಗಂಗಾವತಿ: ಯಾವುದೇ ಪ್ರವಾಸ ಮಾಡದೆ ಇರುವ 26 ವರ್ಷದ ಯುವಕನೊಬ್ಬನಿಗೆ ಕೊರೊನಾ ಸೋಂಕು ತಗುಲಿದ್ದು, ಇದೀಗ ಕಿಲ್ಲಾ ಏರಿಯವನ್ನು ಎರಡನೇ ಬಾರಿಗೆ ಸೀಲ್​ ಡೌನ್​​ ಮಾಡಲಾಗಿದೆ.

ಯುವಕ ವಾಸಿಸುತ್ತಿದ್ದ ಈದ್ಗಾ ಪ್ರಾರ್ಥನಾ ಸ್ಥಳದ ಹಿಂದಿರುವ ಮೂಕಾರತಿಯಮ್ಮ ದೇವಸ್ಥಾನ ಮುಂಭಾಗದ ಕಿಲ್ಲಾ ಏರಿಯಾವನ್ನು ನಗರಸಭೆಯ ಅಧಿಕಾರಿಗಳು ಎರಡನೇ ಬಾರಿಗೆ ಸೀಲ್ ​ಡೌನ್​ ಮಾಡಿದ್ದಾರೆ.

ಯುವಕನಲ್ಲಿ ಯಾವುದೇ ಲಕ್ಷಣಗಳು ಕಂಡು ಬಂದಿಲ್ಲ ಎಂದು ಆರೋಗ್ಯ ಇಲಾಖೆಯ ಅಧಿಕಾರಗಳು ತಿಳಿಸಿದ್ದಾರೆ. ಇದೀಗ ಆತನಿಗೆ ಚಿಕಿತ್ಸೆ ಕೊಡಲಾಗುತ್ತಿದ್ದು, ಯುವಕ ವಾಸವಾಗಿದ್ದ ಸ್ಥಳಕ್ಕೆ ಆರೋಗ್ಯ ಇಲಾಖೆಯ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.