ಹೀಗೂ ಉಂಟೆ!... ಹೊಸ ಬ್ರಾಂಡ್ ವಿಸ್ಕಿಗೆ ಪೂಜೆ: ವಿಡಿಯೋ ವೈರಲ್​

ಕೊಪ್ಪಳದ ಕರ್ನಾಟಕ ಪಾನೀಯ ನಿಗಮದಲ್ಲಿ ನೂತನ ಬ್ರಾಂಡ್ ಎಣ್ಣೆಗೆ ಪೂಜೆ ಮಾಡಿರುವ ವೀಡಿಯೋ ವೈರಲ್​ ಆಗಿದೆ.

ಕೊಪ್ಪಳ: ಮಾರುಕಟ್ಟೆಗೆ ಹೊಸದಾಗಿ ಬಂದ ವಿಸ್ಕಿ ಬ್ರಾಂಡ್​ವೊಂದಕ್ಕೆ ಪೂಜೆ ಸಲ್ಲಿಸಿರುವ ಘಟನೆ ನಗರದಲ್ಲಿ ನಡೆದಿದೆ.

ನಗರದಲ್ಲಿರುವ ಕರ್ನಾಟಕ ಪಾನೀಯ ನಿಗಮದಲ್ಲಿ ಈ ನೂತನ ಬ್ರಾಂಡ್ ಎಣ್ಣೆಗೆ ಪೂಜೆ ಮಾಡಲಾಗಿದೆ. ಮ್ಯಕ್​ಡೊವೆಲ್ಸ್​​​ ನಂ 1 ಪ್ಲಾಟಿನಂ ಕ್ಲಾಸಿಕ್ ಎಂಬ ವಿಸ್ಕಿ ಬ್ರಾಂಡ್​​​ಗೆ ಭರ್ಜರಿ ಪೂಜೆ ಸಲ್ಲಿಸಿ ಆರತಿ ಎತ್ತಲಾಗಿದೆ.

ಕೊಪ್ಪಳ ನಗರದಲ್ಲಿರುವ ರಾಜ್ಯ ಪಾನೀಯ ನಿಗಮದಲ್ಲಿ ಶುಕ್ರವಾರ ಈ ಪೂಜೆ ನಡೆದಿದ್ದು ಎಣ್ಣೆ ಬಾಟಲಿಗೆ ಪೂಜೆ ಸಲ್ಲಿಸುತ್ತಿರುವ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ.‌ ಇದರ ಜೊತೆಗೆ ಪೂಜೆಯ ಸಂದರ್ಭದಲ್ಲಿ ಹೌದೋ ಹುಲಿಯಾ ಸದ್ದು ಮಾಡಿದೆ. ಹೊಸ ಬ್ರಾಂಡ್​ನ ಎಣ್ಣೆಗೆ ಪೂಜೆ ಸಲ್ಲಿಸಿರೋದು ಹಾಸ್ಯಕ್ಕೆ ಕಾರಣವಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ.