ತರಬೇತಿ ಮುಗಿಸಿ ಬಂದು ಸ್ವ ಇಚ್ಛೆಯಿಂದ ಕ್ವಾರಂಟೈನ್​​​​​​​ ಆದ ಫಾರೆಸ್ಟ್ ಆಫಿಸರ್

ಡೆಹರಾಡೂನ್​​​​​ನಲ್ಲಿ ಅರಣ್ಯ ಇಲಾಖೆಯ ಹುದ್ದೆಗೆ ತರಬೇತಿ ಮುಗಿಸಿ ತಾಯ್ನಾಡಿಗೆ ಮರಳಿ ಸೆಲ್ಫ್​ ಕ್ವಾರಂಟೈನ್​ ಆಗುವ ಮೂಲಕ ಎಲ್ಲರಿಗೂ ಮಾದರಿಯಾಗಿದ್ದಾರೆ. ಇಲ್ಲಿನ ವಿಠಲಾಪುರದ ವೀರೇಶಗೌಡ ಪೊಲೀಸ್ ಪಾಟೀಲ್, ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿ ತರಬೇತಿಗಾಗಿ ತೆರಳಿದ್ದರು. ಇದೀಗ ಮನೆಗೆ ಮರಳಿದ್ದು, ಕೊರೊನಾ ಹಿನ್ನೆಲೆ ಸ್ವಇಚ್ಛೆಯಿಂದ ಕ್ವಾರಂಟೈನ್​​ಗೆ ಒಳಗಾಗಿದ್ದಾರೆ.

ಕುಷ್ಟಗಿ(ಕೊಪ್ಪಳ): ತರಬೇತಿ ಮುಗಿಸಿ ಬಂದ ಅಧಿಕಾರಿ, ಸ್ವ ಇಚ್ಛೆಯಿಂದ ಹೋಮ್​​ ಕ್ವಾರಂಟೈನ್​​​ಗೆ ಒಳಗಾಗಿ ಮಾದರಿಯಾಗಿದ್ದಾರೆ.

ಕೊಪ್ಪಳದ ಕುಷ್ಟಗಿ ತಾಲೂಕಿನ ತಾವರಗೇರಾ ಪಟ್ಟಣದ 18ನೇ ವಾರ್ಡ್​​ ವಿಠಲಾಪುರದ ವಿರೇಶಗೌಡ ಪೊಲೀಸ್ ಪಾಟೀಲ್, ಭಾರತ ಸರ್ಕಾರದ ಸೇವಾ ಸ್ಪರ್ಧಾತ್ಮಕ (ಅರಣ್ಯ) ಪರೀಕ್ಷೆಯಲ್ಲಿ ಪಾಸಾಗಿ, ತರಬೇತಿಗಾಗಿ ಡೆಹರಾಡೂನ್​ಗೆ ತೆರಳಿದ್ದರು.

ಒಂದು ವಾರದ ಹಿಂದೆ ತಾವರಗೇರಾಕ್ಕೆ ಬಂದು ಆಸ್ಪತ್ರೆಯಲ್ಲಿ ತಪಾಸಣೆ ಮಾಡಿಸಿಕೊಂಡು ವಿಠಲಾಪುರದ ಹೊರವಲಯದ ತಮ್ಮ ಸ್ವಂತ ಮನೆಯಲ್ಲಿ ಕ್ವಾರಂಟೈನ್​​ಗೆ ಒಳಗಾಗಿದ್ದಾರೆ.

ಅಲ್ಲ ಇವರು ಅಸಿಸ್ಟೆಂಟ್ ಕಂಜರ್ವೆಟರ್ ಆಫ್ ಫಾರೆಸ್ಟ್ ಹುದ್ದೆಗೆ ಚಾಮರಾಜನಗರಕ್ಕೆ ನಿಯೋಜನೆ ಗೊಂಡಿದ್ದಾರೆ. ತಮ್ಮನ್ನು ತಾವೇ ಕ್ವಾರಂಟೈನ್​​​​ಗೆ ಒಳಪಡಿಸಿಕೊಂಡಿದ್ದು ಜನತೆಯ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.