ಅಜಿತ್ ಕುಮಾರ್ ಅಭಿನಯದ 'ವಿಡಾಮುಯರ್ಚಿ' ಒಟಿಟಿ ರಿಲೀಸ್​ ಡೇಟ್ ರಿವೀಲ್​​

'ವಿಡಾಮುಯರ್ಚಿ' ಮಾರ್ಚ್ 28ರಂದು ಒಟಿಟಿ ಪ್ಲಾಟ್‌ಫಾರ್ಮ್ ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮ್​ ಆಗಲಿದೆ.

ತಮಿಳು ಸೂಪರ್‌ ಸ್ಟಾರ್ ಅಜಿತ್ ಕುಮಾರ್ ಮುಖ್ಯಭೂಮಿಕೆಯ ಆ್ಯಕ್ಷನ್ ಥ್ರಿಲ್ಲರ್ 'ವಿಡಾಮುಯರ್ಚಿ' ಫೆಬ್ರವರಿ 6ರಂದು ಚಿತ್ರಮಂದಿರಗಳಲ್ಲಿ ಅದ್ಧೂರಿಯಾಗಿ ಬಿಡುಗಡೆಯಾಯಿತು. ಸಿನಿಮಾ ಬಿಡುಗಡೆಯಾದ 14 ದಿನಗಳಲ್ಲಿ 79.35 ಕೋಟಿ ರೂಪಾಯಿ ಗಳಿಸಿದೆ. ಈ ಚಿತ್ರ 1997ರ ಅಮೆರಿಕನ್ ಥ್ರಿಲ್ಲರ್ 'ಬ್ರೇಕ್‌ಡೌನ್'ನಿಂದ ಪ್ರೇರಿತವಾಗಿದ್ದು, ತನ್ನ ಹೈ-ಆ್ಯಕ್ಟೇನ್ ಆ್ಯಕ್ಷನ್ ಮತ್ತು ಕಥಾಹಂದರದಿಂದ ಮೆಚ್ಚುಗೆ ಪಡೆದುಕೊಂಡಿದೆ.

ನಟನ ಅಪಾರ ಸಂಖ್ಯೆಯ ಅಭಿಮಾನಿಗಳಿಗಾಗಿ, ಚಿತ್ರದ ಒಟಿಟಿ ಬಿಡುಗಡೆಯ ಕುರಿತು ಒಂದು ಕುತೂಹಲಕಾರಿ ಅಪ್ಡೇಟ್ ಇಲ್ಲಿದೆ. ಮಾಗಿಜ್ ತಿರುಮೇನಿ ಆ್ಯಕ್ಷನ್​​ ಕಟ್​ ಹೇಳಿರುವ ಈ ಚಿತ್ರವೀಗ ಹೆಚ್ಚಿನ ಪ್ರೇಕ್ಷಕರನ್ನು ತಲುಪೋ ಸಲುವಾಗಿ ಒಟಿಟಿ ಬಿಡುಗಡೆಯತ್ತ ಗಮನ ಹರಿಸಿದೆ. ಹೌದು, 'ವಿಡಾಮುಯರ್ಚಿ' ಮಾರ್ಚ್ 28ರಂದು ಒಟಿಟಿ ಪ್ಲಾಟ್‌ಫಾರ್ಮ್ ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮ್​ ಆಗಲಿದೆ ಎಂದು ವರದಿಯಾಗಿದೆ.

ನಿಖರ ವಿವರಗಳನ್ನು ಚಿತ್ರ ತಯಾರಕರಿನ್ನೂ ದೃಢೀಕರಿಸದಿದ್ದರೂ, ನೆಟ್‌ಫ್ಲಿಕ್ಸ್ ಒಟಿಟಿ ಸ್ಟ್ರೀಮಿಂಗ್ ಹಕ್ಕುಗಳನ್ನು ಪಡೆದುಕೊಂಡಿರೋದು ಖಚಿತ. ಚಿತ್ರಮಂದಿರಗಳಲ್ಲಿನ್ನೂ ಸಿನಿಮಾ ನೋಡದ ಅಭಿಮಾನಿಗಳು ತಾವಿದ್ದ ಸ್ಥಳದಿಂದಲೇ ಥ್ರಿಲ್ಲಿಂಗ್​​, ಆ್ಯಕ್ಷನ್​​, ಸಸ್ಪೆನ್ಸ್ ಸಿನಿಮಾ ನೋಡಬಹುದಾಗಿದೆ.

ಇದನ್ನೂ ಓದಿ: ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಪ್ರಶಾಂತ್​ ನೀಲ್​​-ಜೂ.ಎನ್​​ಟಿಆರ್​​ ಸಿನಿಮಾ ಶೂಟಿಂಗ್​ ಶುರು: ಮೊದಲ ಸೀನ್​ ಹೇಗಿದೆ?

ಸನ್ ಟಿವಿಯೊಂದಿಗೆ ಸ್ಯಾಟಲೈಟ್​​ ರೈಟ್ಸ್​​ ಪಡೆದುಕೊಂಡಿದ್ದು, ದೂರದರ್ಶನ ಪ್ರೀಮಿಯರ್ ಅನ್ನೂ ಖಚಿತಪಡಿಸಿಕೊಂಡಿದೆ. ಚಿತ್ರದ ಟಿವಿ ಪ್ರೀಮಿಯರ್ ಬಗ್ಗೆ ಸುದ್ದಿಗಳು ಹರಿದಾಡುತ್ತಿವೆ. ತಮಿಳು ಹೊಸ ವರ್ಷದ ಆಚರಣೆಯ ಸಮಯದಲ್ಲಿ, ಅಂದರೆ ಏಪ್ರಿಲ್ 14ರಂದು ಈ ಚಿತ್ರ ಟಿವಿಯಲ್ಲಿ ಪ್ರದರ್ಶನಗೊಳ್ಳುವ ಸಾಧ್ಯತೆಯಿದೆ. 'ವಿಡಾಮುಯರ್ಚಿ' ಬಾಕ್ಸ್ ಆಫೀಸ್‌ನಲ್ಲಿ ಬಿರುಗಾಳಿ ಎಬ್ಬಿಸದಿದ್ದರೂ, ಅದರ ಒಟಿಟಿ ಮತ್ತು ಟಿವಿ ಪ್ರೀಮಿಯರ್‌ಗಳಿಗಾಗಿ ನಟನ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

Tune in to the sound of VIDAAMUYARCHI 🎧🔥 Full Album streaming on all audio platforms! 🔊

🔗 https://t.co/ubT9bvBJF2

VIDAAMUYARCHI TRIUMPHS 📽️✨#Vidaamuyarchi #Pattudala #EffortsNeverFail#AjithKumar #MagizhThirumeni @LycaProductions #Subaskaran @gkmtamilkumaran… pic.twitter.com/sp8dIsoFHR

— Lyca Productions (@LycaProductions) February 17, 2025

ಇದನ್ನೂ ಓದಿ: 6 ದಿನಗಳಲ್ಲಿ ₹197 ಕೋಟಿ: ವಿಕ್ಕಿ ಕೌಶಲ್​, ರಶ್ಮಿಕಾ ಮಂದಣ್ಣ 'ಛಾವಾ' ಹವಾ

ಆ್ಯಕ್ಷನ್ ಥ್ರಿಲ್ಲರ್ ಸಿನಿಮಾವನ್ನು ಸೌತ್​ ಸಿನಿಮಾ ಇಂಡಸ್ಟ್ರಿಯ ಖ್ಯಾತ ಚಲನಚಿತ್ರ ನಿರ್ಮಾಣ ಸಂಸ್ಥೆ ಲೈಕಾ ಪ್ರೊಡಕ್ಷನ್ಸ್ ನಿರ್ಮಾಣ ಮಾಡಿದ್ದು, ಅಜಿತ್ ಜೊತೆಗೆ ತ್ರಿಶಾ ಕೃಷ್ಣನ್, ಅರ್ಜುನ್ ಸರ್ಜಾ, ರೆಜಿನಾ ಕ್ಯಾಸಂದ್ರ ಸೇರಿದಂತೆ ಹಲವರು ನಟಿಸಿದ್ದಾರೆ. ಉತ್ತಮ ವಿಮರ್ಶೆಗಳನ್ನು ಗಳಿಸಿದರೂ, ಚಿತ್ರದ ಬಾಕ್ಸ್ ಆಫೀಸ್ ಗಳಿಕೆ ದೊಡ್ಡ ಮಟ್ಟದಲ್ಲಿಲ್ಲ.