ಪ್ರಿಯಾಂಕ್​ ಖರ್ಗೆಗೆ ತಲೆ ಕೆಟ್ಟಿದೆ, ಸರ್ಕಾರ ಸಕ್ರಿಯವಾಗಿದೆ: ಮಾಲೀಕಯ್ಯ ಗುತ್ತೇದಾರ

ಜವಾಬ್ದಾರಿಯುತ ಸ್ಥಾನದಲ್ಲಿರುವ ಪ್ರಿಯಾಂಕ್​ ಖರ್ಗೆ ಬಾಯಿಗೆ ಬಂದಂತೆ ಮಾತನಾಡುತ್ತಿದ್ದಾರೆ. ಅವರಿಗೆ ತಲೆ ಕೆಟ್ಟಿದೆ. ಬಿ.ಎಸ್​.ಯಡಿಯೂರಪ್ಪ ನೇತೃತ್ವದಲ್ಲಿ ಸರ್ಕಾರ ನೆರೆ ಸಂತ್ರಸ್ತರಿಗೆ ನೆರವಾಗಿದೆ ಎಂದು ಮಾಜಿ ಸಚಿವ ಮಾಲೀಕಯ್ಯ ಗುತ್ತೇದಾರ ಹೇಳಿದರು.

ಕಲಬುರಗಿ: ಬಿ.ಎಸ್.ಯಡಿಯೂರಪ್ಪ ನೇತೃತ್ವದ ಸರ್ಕಾರ ಸಕ್ರಿಯವಾಗಿ ನೆರೆ ಪರಿಹಾರದಲ್ಲಿ ತೊಡಗಿದೆ. ಪ್ರಿಯಾಂಕ್​ ಖರ್ಗೆಗೆ ತಲೆ ಕೆಟ್ಟಿದ್ದರಿಂದ ಬಾಯಿಗೆ ಬಂದಂತೆ ಹೇಳಿಕೆ ನೀಡುತ್ತಿದ್ದಾರೆ ಎಂದು ಮಾಜಿ ಸಚಿವ ಮಾಲೀಕಯ್ಯ ಗುತ್ತೇದಾರ ತಿರುಗೇಟು ನೀಡಿದ್ದಾರೆ.

ಶಾಸಕರ ಖರೀದಿಗೆ ಬಿಜೆಪಿ ಬಳಿ ದುಡ್ಡಿದೆ, ನೆರೆ ಸಂತ್ರಸ್ತರಿಗೆ ನೆರವಾಗಲು ದುಡ್ಡಿಲ್ಲ ಎಂಬ ಪ್ರಿಯಾಂಕ್ ಖರ್ಗೆ ಆರೋಪಕ್ಕೆ ಪ್ರತ್ಯುತ್ತರ ನೀಡಿದರು.

ಸಿಎಂ ಯಡಿಯೂರಪ್ಪ ಅವರು ಪ್ರವಾಹ ಪೀಡಿತ ಪ್ರದೇಶದಲ್ಲೇ ಬೀಡುಬಿಟ್ಟಿದ್ದಾರೆ. ನೆರೆ ಸಂತ್ರಸ್ತರ ನೆರವಿಗೆ ಹಗಲಿರುಳೂ ಶ್ರಮಿಸುತ್ತಿದ್ದಾರೆ ಎಂದು ಸಮರ್ಥಿಸಿಕೊಂಡರು.

ಕೃಷ್ಣಾನದಿ ವ್ಯಾಪ್ತಿಯಲ್ಲಿ ಭಾರಿ ಪ್ರವಾಹ ಉಂಟಾಗಿದೆ. ಸಂತ್ರಸ್ತರಿಗೆ ಸೀರೆ, ಬೆಡ್ ಶೀಟ್, ಬ್ಲಾಂಕೆಟ್ ಮತ್ತು ಆಹಾರ ವಸ್ತುಗಳೊಂದಿಗೆ ಮಾಲೀಕಯ್ಯ ನೇತೃತ್ವದ ತಂಡ ಕಲಬುರ್ಗಿಯಿಂದ ಮುಧೋಳದತ್ತ ಪ್ರಯಾಣ ಬೆಳೆಸಿತು. ಭೀಮಾ ನದಿ ಪ್ರವಾಹ ವೀಕ್ಷಣೆ, ಕೃಷ್ಣಾ ನದಿ ನೆರೆಪೀಡಿತ ಪ್ರದೇಶಗಳಿಗೆ ಈ ತಂಡ ಭೇಟಿ ನೀಡಲಿದೆ.