ಕಲಬುರಗಿ ಜಿಲ್ಲೆಯಲ್ಲಿ ವರುಣನ ಅಬ್ಬರ: ಸಿಎಂ ಇಂದಿನ ಗ್ರಾಮ ವಾಸ್ತವ್ಯ ಮುಂದೂಡಿಕೆ

ಗ್ರಾಮದಲ್ಲಿ ನಿರ್ಮಿಸಿದ ವೇದಿಕೆ ಸುತ್ತ ಮಳೆ ನೀರು ನಿಂತಿದೆ. ಸಿಎಂ ಭೇಟಿಗಾಗಿ ಬರುವ ಜನರ ವಾಹನಗಳ ಪಾರ್ಕಿಂಗ್ ವ್ಯವಸ್ಥೆ ಮಳೆಯಿಂದಾಗಿ ಅವ್ಯವಸ್ಥೆಯಾಗಿದೆ. ಗ್ರಾಮದಲ್ಲಿ ಸಂಪೂರ್ಣ ಅಸ್ತವ್ಯಸ್ತವಾದ್ದರಿಂದ ಕಾರ್ಯಕ್ರಮ ಮುಂದೂಡಲಾಗಿದೆ.

ಕಲಬುರಗಿ: ಜಿಲ್ಲೆಯ ಹೇರೂರ (ಬಿ) ಗ್ರಾಮದಲ್ಲಿ ಇಂದು ನಡೆಯಬೇಕಾಗಿದ್ದ ಸಿಎಂ ಕುಮಾರಸ್ವಾಮಿ ಅವರ ಜನತಾ ದರ್ಶನ ಹಾಗೂ ಗ್ರಾಮ ವಾಸ್ತವ್ಯ ಕಾರ್ಯಕ್ರಮ ಮಳೆಯ ಕಾರಣದಿಂದಾಗಿ ರದ್ದಾಗಿದೆ.

ನಿಗದಿಯಂತೆ ಇಂದು ಬೆಳಗ್ಗೆ 10 ಗಂಟೆಗೆ ಸಿಎಂ ಹೇರೂರು ಗ್ರಾಮಕ್ಕೆ ಆಗಮಿಸಿ ಸಂಜೆಯವರೆಗೂ ಜನತಾ ದರ್ಶನ ಸೇರಿ ಹಲವು ಕಾರ್ಯಕ್ರಮ ನಡೆಸಿ ರಾತ್ರಿ ಇದೇ ಗ್ರಾಮದ ಸರ್ಕಾರಿ ಶಾಲೆಯಲ್ಲಿ ವಾಸ್ತವ್ಯ ಮಾಡಬೇಕಾಗಿತ್ತು. ಆದರೆ ಭಾರಿ ಮಳೆಯಿಂದಾಗಿ ಹೇರೂರು ಗ್ರಾಮದಲ್ಲಿನ ಕಾರ್ಯಕ್ರಮ ಮುಂದೂಡಲಾಗಿದೆ.

ವೇದಿಕೆ ಸುತ್ತ ಮಳೆ ನೀರು ನಿಂತಿದೆ

ಗ್ರಾಮದಲ್ಲಿ ನಿರ್ಮಿಸಿದ ವೇದಿಕೆ ಸುತ್ತ ಮಳೆ ನೀರು ನಿಂತಿದೆ. ಸಿಎಂ ಭೇಟಿಗಾಗಿ ಬರುವ ಜನರ ವಾಹನಗಳ ಪಾರ್ಕಿಂಗ್ ವ್ಯವಸ್ಥೆ ಮಳೆಯಿಂದ ಕೆಸರಾಗಿ ಅವ್ಯವಸ್ಥೆಯಾಗಿದೆ. ಗ್ರಾಮದಲ್ಲಿ ಸಂಪೂರ್ಣ ಅಸ್ತವ್ಯಸ್ತವಾದ್ದರಿಂದ ಕಾರ್ಯಕ್ರಮ ಮುಂದೂಡಲಾಗಿದೆ.

• Karnataka CM HD Kumaraswamy's stay at Herur (B) village in Afzalpur taluk of Kalaburagi district, as a part of his 'Village stay programme' has been postponed due to heavy rains. #Karnataka pic.twitter.com/hSR7qh8oCJ

  — ANI (@ANI) June 21, 2019 " class="align-text-top noRightClick twitterSection" data="

  Karnataka CM HD Kumaraswamy's stay at Herur (B) village in Afzalpur taluk of Kalaburagi district, as a part of his 'Village stay programme' has been postponed due to heavy rains. #Karnataka pic.twitter.com/hSR7qh8oCJ

  — ANI (@ANI) June 21, 2019

  ">

  Karnataka CM HD Kumaraswamy's stay at Herur (B) village in Afzalpur taluk of Kalaburagi district, as a part of his 'Village stay programme' has been postponed due to heavy rains. #Karnataka pic.twitter.com/hSR7qh8oCJ

  — ANI (@ANI) June 21, 2019

ಮುಂದಿನ ಜನತಾ ದರ್ಶನ ಹಾಗೂ ಗ್ರಾಮ‌ ವಾಸ್ತವ್ಯದ‌ ದಿನಾಂಕವನ್ನು ಮುಖ್ಯಮಂತ್ರಿಗಳೊಂದಿಗೆ ಚರ್ಚಿಸಿ ನಿರ್ಧರಿಸಲಾಗುವುದು ಎಂದು ಸಮಾಜಕಲ್ಯಾಣ ಹಾಗೂ ಜಿಲ್ಲಾ ಉಸ್ತುವಾರಿ‌ ಸಚಿವ ಪ್ರಿಯಾಂಕ ಖರ್ಗೆ ತಿಳಿಸಿದ್ದಾರೆ‌.

ಸಿಎಂ ಗ್ರಾಮ ವಾಸ್ತವ್ಯಕ್ಕೆ ಕಳೆದ 15 ದಿನಗಳಿಂದ ಭಾರಿ ಸಿದ್ಧತೆ ಮಾಡಿಕೊಳ್ಳಲಾಗಿತ್ತು. ಹಲವಡೆಯಿಂದ ಜನ ಸಿಎಂ ಭೇಟಿಗೆ ಆಗಮಿಸಲು ನಿರ್ಧರಿಸಿದ್ದರು. ಇದೀಗ ಮಳೆರಾಯನ ಅವಕೃಪೆಯಿಂದ ನೀರಿನಲ್ಲಿ ಹೋಮ ಮಾಡಿದಂತಾಗಿದೆ.