ವಿದ್ಯುತ್​ ಸ್ಪರ್ಶಿಸಿ ಹೊಲದಲ್ಲಿ ರೈತನ ಮೃತ್ಯು

ಜಮೀನಿಗೆ ನೀರು ಹಾಯಿಸಲು ಬೋರ್​ವೆಲ್​​ ಬಳಿ ಬಂದಾಗ ವಿದ್ಯುತ್​ ಸ್ಪರ್ಶಿಸಿ ರೈತ ಸಾವಿಗೀಡಾಗಿದ್ದಾನೆ. ಮಳೆ ಬಂದಿದ್ದ ಕಾರಣ ಶಾರ್ಟ್​ ಸರ್ಕ್ಯೂಟ್​ ಸಂಭವಿಸಿರಬಹುದು ಎನ್ನಲಾಗಿದ್ದು, ಹಾನಗಲ್​​ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.

ಹಾನಗಲ್​​​ (ಹಾವೇರಿ): ಆಕಸ್ಮಿಕವಾಗಿ ವಿದ್ಯುತ್ ಸ್ಪರ್ಶಿಸಿ ರೈತ ಸಾವನ್ನಪ್ಪಿರುವ ಘಟನೆ ಜಿಲ್ಲೆಯ ಹಾನಗಲ್ ತಾಲೂಕಿನ ಚಿಕ್ಕೇರಿಹೊಸಳ್ಳಿ ಗ್ರಾಮದಲ್ಲಿ ನಡೆದಿದೆ. 52 ವರ್ಷದ ರೈತ ಚಂದ್ರಪ್ಪ ಜನಗೇರಿ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ.

ಜಮೀನಿನಲ್ಲಿ ನೀರು ಹಾಯಿಸಲು ಬೋರ್​ವೆಲ್​​​ ಸ್ಟಾರ್ಟ್ ಮಾಡಲು ಹೋಗಿದ್ದಾಗ ಈ ದುರ್ಘಟನೆ ಸಂಭವಿಸಿದೆ. ಸ್ಥಳಕ್ಕೆ ಹಾನಗಲ್​​​​​​ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಮಳೆಯಾಗುತ್ತಿದ್ದ ಸಂದರ್ಭ ಶಾರ್ಟ್​​​ ಸರ್ಕ್ಯೂಟ್​​​​​ಗೆ ರೈತ ಬಲಿಯಾಗಿರಬಹುದು ಎನ್ನಲಾಗಿದೆ.