ಹಾಸನ: ಕಳೆದ ಆರು ತಿಂಗಳಿಂದ ವೇತನ ನೀಡಿಲ್ಲ ಎಂಬ ಕಾರಣಕ್ಕೆ ನಗರದ ಸಂಪಿಗೆ ರಸ್ತೆಯಲ್ಲಿರುವ ಕಣ್ಣಿನ ಖಾಸಗಿ ಆಸ್ಪತ್ರೆ ಸಿಬ್ಬಂದಿ ಇಂದು ಪ್ರತಿಭಟನೆ ನಡೆಸಿದರು.
ಐ ಕೇರ್ ಸಿಬ್ಬಂದಿಗೆ ಕಳೆದ ಐದಾರು ತಿಂಗಳಿಂದ ಸಂಬಳ ನೀಡಿಲ್ಲ. ಮಾಲೀಕರನ್ನು ಕೇಳಿದರೆ ನಮ್ಮ ಕಂಪನಿ ನಷ್ಟದಲ್ಲಿ ನಡೆಯುತ್ತಿದೆ. ಇಂದು-ನಾಳೆ ಎಂಬ ಸಬೂಬು ಹೇಳಿಕೊಂಡು ಕಳೆದ ಆರು ತಿಂಗಳಿಂದ ನಮಗೆ ಸಂಬಳ ನೀಡದೆ ಸತಾಯಿಸುತ್ತಿದ್ದಾರೆ ಅಂತ ಎಂದು ಸಿಬ್ಬಂದಿ ಆರೋಪ ಮಾಡಿದರು.
ವಾಸನ್ ಐ ಕೇರ್ ವಿರುದ್ಧ ಸಿಬ್ಬಂದಿ ಪ್ರತಿಭಟನೆ
ಹಾಸನ ನಗರದಲ್ಲಿ ಉತ್ತಮವಾಗಿ ಕಂಪನಿ ಲಾಭ ಗಳಿಸುತ್ತಿದ್ದರು ಕೂಡ ನಷ್ಟ ಇದೆ ಎಂಬ ಸಬೂಬನ್ನು ಹೇಳಿ ಸುಮಾರು 20 ಮಂದಿ ಸಿಬ್ಬಂದಿಗಳಿಗೆ 20 ಲಕ್ಷಕ್ಕೂ ಅಧಿಕ ಸಂಬಳ ನೀಡಬೇಕು ಅಂತ ಸಿಬ್ಬಂದಿವರ್ಗದವರು ಆರೋಪಿಸಿದರು. ಇನ್ನು ಐ ಕೇರ್ನ ಮಾಲೀಕರು ಸಮಸ್ಯೆಯನ್ನು ಆಲಿಸಲು ಖುದ್ದು ನಾನೇ ಹಾಸನಕ್ಕೆ ಬರುತ್ತೇನೆ ಅಂತ ಭರವಸೆ ನೀಡಿದ ಬಳಿಕ ತಾತ್ಕಾಲಿಕವಾಗಿ ಪ್ರತಿಭಟನೆ ಹಿಂಪಡೆದರು.
