ಗದಗ: ನಿನ್ನೆ ಮತ್ತೊಬ್ಬ ಕೊರೊನಾ ಸೋಂಕಿತ ವ್ಯಕ್ತಿ ಗುಣಮುಖರಾಗಿ ಬಿಡುಗಡೆ ಹೊಂದಿದ್ದಾರೆ.
ಗಂಜಿ ಬಸವೇಶ್ವರ ವೃತ್ತದ ಪಿ-913, 65 ವರ್ಷದ ವ್ಯಕ್ತಿಗೆ ಮೇ. 24 ಮತ್ತು 25ರಂದು ಜಿಮ್ಸ್ನಲ್ಲಿ ಪರೀಕ್ಷಿಸಲಾಗಿದೆ. ಅವರು ಸೋಂಕು ಮುಕ್ತರಾಗಿ ಸಂಪೂರ್ಣ ಗುಣಮುರಾಗಿದ್ದು ಕಂಡು ಬಂದಿದ್ದರಿಂದ ಮೇ 26ರಂದು ಅವರನ್ನು ಬಿಡುಗಡೆ ಮಾಡಲಾಗಿದೆ ಎಂದು ಜಿಮ್ಸ್ ನಿರ್ದೇಶಕ ಡಾ. ಪಿ.ಎಸ್.ಭೂಸರೆಡ್ಡಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಸೋಂಕಿತ ಪಿ-514ನ ದ್ವಿತೀಯ ಸಂಪರ್ಕದಿಂದ ಏಪ್ರಿಲ್ 30ರಂದು ಪಿ-913ಅನ್ನು ಜಿಮ್ಸ್ಗೆ ಸೇರಿಸಲಾಗಿತ್ತು. ಅವರ ಗಂಟಲು ದ್ರವದ ಮಾದರಿ ಪಾಸಿಟಿವ್ ಬಂದಿದ್ದರಿಂದ ಮೇ 10ರಂದು ಗದಗ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯ ಕೋವಿಡ್ ಪ್ರತ್ಯೇಕತಾ ವಿಭಾಗದಲ್ಲಿ ಒಳರೋಗಿಯಾಗಿ ದಾಖಲಿಸಲಾಗಿತ್ತು.
ಜಿಮ್ಸ್ನಲ್ಲಿ ನುರಿತ ವೈದ್ಯರ ತಂಡದಿಂದ ಚಿಕಿತ್ಸೆ ನೀಡಲಾಗಿದ್ದು, ಅವರು ಚಿಕಿತ್ಸೆಗೆ ಉತ್ತಮವಾಗಿ ಪ್ರತಿಕಿಯಿಸಿದ್ದು ಗುಣಮುಖರಾಗಿದ್ದಾರೆ. ಹೀಗಾಗಿ ಮೇ 26ರಂದು ಅವರನ್ನು ಬಿಡುಗಡೆ ಮಾಡಿ, ಮುಂದಿನ 14 ದಿನಗಳ ಕಾಲ ಮನೆಯಲ್ಲಿಯೇ ಇರಲು ಸೂಚಿಸಲಾಗಿದೆ.
