ಹುಬ್ಬಳ್ಳಿ: ಹುಬ್ಭಳ್ಳಿ ಮತ್ತು ವಿಜಯಪುರ ಮಧ್ಯೆ ಸೋಮವಾರದಿಂದ ವೋಲ್ವೋ ಬಸ್ ಸಾರಿಗೆ ಸೇವೆ ಆರಂಭವಾಗಲಿದೆ. ಪ್ರಯಾಣಿಕರ ಬೇಡಿಕೆಯ ಮೇರೆಗೆ ಹಾಗೂ ಹುಬ್ಭಳ್ಳಿ ಮತ್ತು ವಿಜಯಪುರ ನಗರಗಳ ನಡುವೆ ತ್ವರಿತ ಪ್ರಯಾಣಕ್ಕೆ ಅನುವು ಮಾಡಿಕೊಡುವ ಉದ್ದೇಶದಿಂದ ಈ ಸಾರಿಗೆ ಸೇವೆಯನ್ನು ಪ್ರಾರಂಭಿಸಲಾಗಿದೆ.
ಸೀಮಿತ ನಿಲುಗಡೆಗಳೊಂದಿಗೆ ಹುಬ್ಬಳ್ಳಿ ಗ್ರಾಮಾಂತರ ವಿಭಾಗದಿಂದ, ಹುಬ್ಬಳ್ಳಿ ಮತ್ತು ವಿಜಯಪುರ ನಗರಗಳ ನಡುವೆ ಫೆಬ್ರವರಿ 14 ರಿಂದ ಇದೇ ಮೊದಲ ಬಾರಿಗೆ ವೋಲ್ವೋ ಮಲ್ಟಿ ಎಕ್ಸೆಲ್ ಸಾರಿಗೆ ಬಸ್ ಓಡಾಟ ನಡೆಸಲಿದೆ.
ಹುಬ್ಬಳ್ಳಿಯಿಂದ ವಿಜಯಪುರಕ್ಕೆ ಬೆಳಗ್ಗೆ 06:30 ಬಸ್ ಸೇವೆ ಆರಂಭವಾಗಲಿದ್ದು, 300 ರೂ ಪ್ರಯಾಣದ ದರವನ್ನು ನಿಗದಿಪಡಿಸಲಾಗಿದೆ. ಬಸ್ ಗೋಕುಲ ರೋಡ್ ಬಸ್ ನಿಲ್ದಾಣದಿಂದ ಹೊರಟು, ಹೊಸೂರು ಬಸ್ ನಿಲ್ದಾಣದ ಮುಖಾಂತರ ವಿಜಯಪುರಕ್ಕೆ , ನವಲಗುಂದ, ನರಗುಂದ, ಕುಳಗೇರಿ ಕ್ರಾಸ್, ಗದ್ದನಕೇರಿ ಕ್ರಾಸ್, ಯು.ಕೆ.ಪಿ. (ಕೋಲಾರ) ಮಾರ್ಗವಾಗಿ ನಿರ್ದಿಷ್ಟ ನಿಲುಗಡೆಯೊಂದಿಗೆ ಸಂಚಾರ ನಡೆಸಲಿದೆ. ಸದರಿ ವೋಲ್ವೋ ಮಲ್ಟಿ ಆಕ್ಸೆಲ್ ಸಾರಿಗೆಯು ಕೇವಲ 4 ಗಂಟೆಗಳಲ್ಲಿ ವಿಜಯಪುರ ತಲುಪುತ್ತದೆ.
ಇದನ್ನು ಓದಿ: ಹಾವೇರಿಯಲ್ಲಿ ಸೇತುವೆ ಮೇಲಿಂದ ಕೆಳಗೆ ಬಿದ್ದ ವಿಆರ್ಎಲ್ ಬಸ್...ಇಬ್ಬರ ಸಾವು, 15 ಜನರಿಗೆ ಗಾಯ!
