ಹುಬ್ಬಳ್ಳಿ : ಹುಬ್ಬಳ್ಳಿ-ಧಾರವಾಡ ಮಹಾನಗರ ಪಾಲಿಕೆ ಯೆಸ್ ಬ್ಯಾಂಕ್ ಖಾತೆ ಹೊಂದಿದೆ. ಸದ್ಯ ಯೆಸ್ ಬ್ಯಾಂಕ್ ತಾಂತ್ರಿಕ ದೋಷ ಅನುಭವಿಸುತ್ತಿರುವುದರಿಂದ ಸಾರ್ವಜನಿಕರು ಯಾವುದೇ ರೀತಿಯ ತೆರಿಗೆ ಹಾಗೂ ಕರಗಳನ್ನು ಯೆಸ್ ಬ್ಯಾಂಕ್ನಲ್ಲಿ ಕಟ್ಟದಂತೆ ಪಾಲಿಕೆ ಅಯುಕ್ತ ಸುರೇಶ್ ಇಟ್ನಾಳ್ ಆದೇಶ ಹೊರಡಿಸಿದ್ದಾರೆ.
ಸಾರ್ವಜನಿಕರು ಈವರೆಗೂ ಮಹಾನಗರ ಪಾಲಿಕೆಯ ಆಸ್ತಿ ತೆರಿಗೆ, ನೀರಿನ ಬಿಲ್ ಎಲ್ಲವನ್ನೂ ಯೆಸ್ ಬ್ಯಾಂಕ್ ಮೂಲಕ ವ್ಯವಹಾರ ನಡೆಸುತ್ತಿದ್ದರು. ತಾತ್ಕಾಲಿವಾಗಿ ತಾಂತ್ರಿಕ ದೋಷದಿಂದಾಗಿ ಯೆಸ್ ಬ್ಯಾಂಕಿನ ವ್ಯವಹಾರ ಸ್ಥಗಿತಗೊಳಿಸಿದೆ ಎಂದು ಉಲ್ಲೇಖಿಸಿ ಪ್ರಕಟಣೆ ಹೊರಡಿಸಿದ್ದಾರೆ.