ಧಾರವಾಡ: ಸೀಲ್ಡೌನ್ ಮಾಡಿದ ಬಳಿಕ ಕುಟುಂಬಕ್ಕೆ ಅಗತ್ಯ ವಸ್ತುಗಳನ್ನೂ ನೀಡದೆ ಅಧಿಕಾರಿಗಳು ನಿರ್ಲಕ್ಷ್ಯ ತೋರಿರುವ ಆರೋಪ ಕೇಳಿ ಬಂದಿದೆ.
ಕೊರೊನಾದಿಂದ ಗುಣಮಖರಾದ್ರೂ ಸೀಲ್ಡೌನ್ ತೆಗೆಯದ ಅಧಿಕಾರಿಗಳು
ಧಾರವಾಡ ಕೆಲಗೇರಿಯ ಕುಟುಂಬವೊಂದನ್ನು ಜಾನುವಾರು ಸಮೇತ ಸೀಲ್ಡೌನ್ ಮಾಡಲಾಗಿತ್ತು. 36 ಜನ ಸದಸ್ಯರಿರುವ ದೊಡ್ಡ ಮನೆ ಇದಾಗಿದೆ. ಇವರಲ್ಲಿ ಏಳು ಜನರಿಗೆ ಪಾಸಿಟಿವ್ ಬಂದಿತ್ತು. ಸದ್ಯ ಎಲ್ಲರೂ ಕೊರೊನಾದಿಂದ ಗುಣಮುಖರಾಗಿ ಬಿಡುಗಡೆಗೊಂಡಿದ್ದಾರೆ. ಆದರೆ, ಸೀಲ್ಡೌನ್ ತೆರವಿಗೆ ಇನ್ನೂ ಆದೇಶ ಬರದ ಹಿನ್ನೆಲೆ ಸೀಲ್ಡೌನ್ ಹಾಗೆಯೇ ಮುಂದುವರೆದಿದೆ.
ಅಧಿಕಾರಿಗಳು ಈ ಕುಟುಂಬಕ್ಕೆ ಯಾವುದೇ ಅಗತ್ಯ ವಸ್ತು ಸಹ ಪೂರೈಕೆ ಮಾಡದೆ ನಿರ್ಲಕ್ಷ್ಯ ತೋರಿದ್ದಾರೆ ಎನ್ನಲಾಗಿದೆ. ಜಾನುವಾರುಗಳಿಗೆ ಮೇವು ಸಹ ಇಲ್ಲದೇ ಪರದಾಟ ನಡೆಸುವಂತಾಗಿದೆ. ಸೀಲ್ಡೌನ್ ತೆರವು ಮಾಡಿ ಇಲ್ಲವೇ ನಮಗೆ ಅಗತ್ಯ ವಸ್ತುಗಳನ್ನು ಪೂರೈಸಿ ಎಂದು ಕುಟುಂಬ ಮನವಿ ಮಾಡಿಕೊಳ್ಳುತ್ತಿದೆ.
