ಪ್ರಣಬ್ ಮುಖರ್ಜಿ ನಿಧನಕ್ಕೆ ಎನ್​ಎಸ್​ಯುಐ ಸಂತಾಪ

ಮಾಜಿ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ನಿಧನಕ್ಕೆ ಧಾರವಾಡ ಜಿಲ್ಲಾ ಎನ್​​ಎಸ್​​ಯುಐ ಕಾರ್ಯಕರ್ತರು ಸಂತಾಪ ಸೂಚಿಸಿದರು.

ಹುಬ್ಬಳ್ಳಿ: ಭಾರತದ 13ನೇ ರಾಷ್ಟ್ರಪತಿಯಾಗಿ, ದೇಶದ ಆರ್ಥಿಕ ಸಚಿವರಾಗಿ ಕಾರ್ಯನಿರ್ವಹಿಸಿದ್ದ "ಭಾರತ ರತ್ನ" ಪುರಸ್ಕೃತ ಪ್ರಣಬ್ ಮುಖರ್ಜಿ (84) ನಿಧನಕ್ಕೆ ಧಾರವಾಡ ಜಿಲ್ಲಾ ಎನ್​​ಎಸ್​​ಯುಐ ಕಾರ್ಯಕರ್ತರು ಸಂತಾಪ ಸೂಚಿಸಿದರು.

ಹುಬ್ಬಳ್ಳಿ ಆನಂದನಗರ ಸರ್ಕಲ್​ನಲ್ಲಿ ದೀಪ ಹಿಡಿದು ಮೃತರ ಆತ್ಮಕ್ಕೆ ಶಾಂತಿ‌ ಕೋರಿದರು. ಈ ಸಂದರ್ಭ ಎನ್​ಎಸ್​ಯುಐ ಕಾರ್ಯದರ್ಶಿ ದೀಪಕ‌ ಘೋಡಕೆ‌, ರಾಜೇಶ್ ಚೌವ್ಹಾಣ, ಸಚಿನ್ ಲಮಾಣಿ, ವಿಜಯ ಹವಳದ, ಕಿರಣ್ ಖರ್ಚಿಗೆ, ಚೇತನ್ ಕೋಟಿ, ಅಶೋಕ ಚಲವಾದಿ, ರಫೀಕ್ ಕುಂಬಿ, ಗುರುನಾಥ್ ಶಿರಗುಪ್ಪಿ, ಪಟ್ಟಣಶೆಟ್ಟಿ, ಲಿಂಗರಾಜ ಕಿರೇಸೂರ್ ಸೇರಿದಂತೆ ಹಲವು ಕಾರ್ಯಕರ್ತರು ಹಾಗೂ ಆಟೋ ಚಾಲಕರು ಉಪಸ್ಥಿತರಿದ್ದರು.