ಯಲ್ಲಮ್ಮ ದೇವಿಯೇ,, ವಾಹನಗಳಿಗೆ ಹಾನಿ ಮಾಡಿದವರಿಗೆ ನೀನೇ ಶಿಕ್ಷೆ ಕೊಡವ್ವ.. ವೈರಲ್ ವಿಡಿಯೋ

ಸೌದತ್ತಿ ಯಲ್ಲಮ್ಮನ ಕುಂಕುಮ ಭಂಡಾರ ಮನೆಯ ಮುಂದೆ ಅಡ್ಡಲಾಗಿ ಹಾಕಿ ತಪ್ಪಿತಸ್ಥರಿಗೆ ದಂಡಿಸುವಂತೆ ಪ್ರಾರ್ಥನೆ ಮಾಡುತ್ತಿದ್ದಾರೆ. ಆ ವಿಡಿಯೋ ತುಣುಕೊಂದು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಹುಬ್ಬಳ್ಳಿ: ನಗರದ ಕಿಮ್ಸ್ ಕ್ಯಾಂಪಸ್​ ಕ್ವಾಟರ್ಸ್ ಸಂಖ್ಯೆ 7ರಲ್ಲಿ ಮನೆ ಬಳಿ ನಿಲ್ಲಿಸಿದ್ದ ವಾಹನಗಳ ಸೀಟ್​ಗಳಿಗೆ ಬ್ಲೇಡ್ ಹಾಕುವ ಮೂಲಕ ದುಷ್ಕರ್ಮಿಗಳು ಇಲ್ಲಿನ ನಿವಾಸಿಗಳಿಗೆ ತೊಂದರೆ ನೀಡುತ್ತಿದ್ದರು. ಇದರಿಂದ ಅಲ್ಲಿನ ಜನ ವಾಹನ ರಕ್ಷಿಸುವಂತೆ ದೇವರ ಮೊರೆ ಹೋಗಿದ್ದಾರೆ.

ಹಲವು ದಿನಗಳಿಂದ ದ್ವಿಚಕ್ರ ವಾಹನ ಮತ್ತು ಕಾರುಗಳಿಗೆ ಹಾನಿ ಮಾಡುವ ಮೂಲಕ ದುಷ್ಕರ್ಮಿಗಳು ತೊಂದರೆ ಕೊಡುತ್ತಿದ್ದರು. ದುಷ್ಕರ್ಮಿಗಳ ಕೃತ್ಯಕ್ಕೆ ಬೇಸತ್ತ ನಿವಾಸಿಗಳು ಪೊಲೀಸರ ಮೊರೆ ಹೋಗದಿರುವುದು ವಿಪರ್ಯಾಸದ ಸಂಗತಿ.

ಸೌದತ್ತಿ ಯಲ್ಲಮ್ಮನ ಕುಂಕುಮ ಭಂಡಾರ ಮನೆಯ ಮುಂದೆ ಅಡ್ಡಲಾಗಿ ಹಾಕಿ ತಪ್ಪಿತಸ್ಥರಿಗೆ ದಂಡಿಸುವಂತೆ ಪ್ರಾರ್ಥನೆ ಮಾಡುತ್ತಿದ್ದಾರೆ. ಆ ವಿಡಿಯೋ ತುಣುಕೊಂದು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.