ಧಾರವಾಡ: ಚೋಟುದ್ದ ಪೋರನೊಬ್ಬ ತನ್ನ ಪುಸ್ತಕದಲ್ಲಿ ಲವ್ ಲೆಟರ್ ಬರೆಯುತ್ತಿದ್ದಾಗ ರೆಡ್ ಹ್ಯಾಂಡ್ ಆಗಿ ಡಿಸಿ ಕೈಗೆ ಸಿಕ್ಕಿಬಿದ್ದ ಘಟನೆ ಜಿಲ್ಲೆಯ ಉಪ್ಪಿನ ಬೆಟಗೇರಿ ಗ್ರಾಮದಲ್ಲಿ ನಡೆದಿದೆ.
'ಐ ಲವ್ ಯೂ'ಗೆ ದಂಗಾದ ದೀಪಾ ಚೋಳನ್
ಗುರುವಾರದಂದು ಜಿಲ್ಲಾಧಿಕಾರಿ ದೀಪಾ ಚೋಳನ್ ಅವರು ಮಳೆಯಿಂದ ಹಾನಿಗೀಡಾದ ಮನೆಗಳ ಪರಿಶೀಲನೆಗೆಂದು ಗ್ರಾಮಗಳಿಗೆ ತೆರಳಿದ್ದಾರೆ. ಈ ವೇಳೆ ಅಲ್ಲಿ ನೆರೆದಿದ್ದ ಹುಡುಗರನ್ನು ಮಾತಾಡಿಸುತ್ತ ದೀಪಾ ಚೋಳನ್ ಅವರು, ಮನೆ ಎದುರು ಪುಸ್ತಕದಲ್ಲಿ ಏನೋ ಬರೆಯುತ್ತಿದ್ದ 6 ನೇ ತರಗತಿಯ ಬಾಲಕನ ಬಳಿ ಹೋಗಿದ್ದಾರೆ. ಆಗ ಆತ ಪುಸ್ತಕದಲ್ಲಿ 'ಐ ಲವ್ ಯು' ಎಂದು ಬರೆದಿದ್ದನ್ನ ಕಂಡು ಡಿಸಿ ದಂಗಾಗಿದ್ದಾರೆ.
ಇನ್ನು ಡಿಸಿ ಹತ್ತಿರ ಬರುತ್ತಿದ್ದಂತೆಯೇ ಬಾಲಕ ಪುಸ್ತಕ ಬಿಟ್ಟು ಅಲ್ಲಿಂದ ಓಡಿ ಹೋಗಿದ್ದಾನೆ. ಇದನ್ನ ಕಂಡ ದೀಪಾ ಚೋಳನ್ ಮುಗುಳುನಗು ನಕ್ಕಿದ್ದಾರೆ.
