ಭದ್ರಾ ಕಾಲುವೆಯಲ್ಲಿ ಕಾಲು ಜಾರಿ ಬಿದ್ದು ಬಾಲಕ ಸಾವು!

ಭದ್ರಾ ಕಾಲುವೆ ‌ಮೇಲೆ ಸುತ್ತಾಡಲು ಹೋದ ವೇಳೆ 2 ವರ್ಷದ ಬಾಲಕ ಕಾಲುವೆಗೆ ಬಿದ್ದು ಮೃತಪಟ್ಟಿದ್ದಾನೆ.

ದಾವಣಗೆರೆ: ಭದ್ರಾ ಕಾಲುವೆಗೆ ಬಿದ್ದು‌ ಬಾಲಕ ಮೃತಪಟ್ಟ ಘಟನೆ ಜಿಲ್ಲೆಯ ಹೊನ್ನಾಳಿ ತಾಲೂಕಿನ ಯಕ್ಕನಹಳ್ಳಿ ಗ್ರಾಮದಲ್ಲಿ ನಡೆದಿದೆ. ಯಕ್ಕನಹಳ್ಳಿ ಗ್ರಾಮದ ಗದ್ದೇರ ರೇವಣಸಿದ್ದಪ್ಪ ಎಂಬವರ ಪುತ್ರ, 2 ವರ್ಷದ ಜಿ.ಆರ್.ಮನೋಜ್ ಕುಮಾರ್ ಸಾವನ್ನಪ್ಪಿದ ಬಾಲಕನಾಗಿದ್ದಾನೆ.

ಅಣ್ಣನ ಜೊತೆ ಮನೆ ಸಮೀಪ‌ ಇರುವ ಭದ್ರಾ ಕಾಲುವೆ ‌ಮೇಲೆ ಸುತ್ತಾಡಲು ಹೋದ ವೇಳೆ, ಬಾಲಕ ಕಾಲು ಜಾರಿ ಬಿದ್ದಿದ್ದಾನೆ. ಈ ಸಂಬಂಧ ಹೊನ್ನಾಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.