ದಾವಣಗೆರೆ: ಚಾಲೆಂಜಿಂಗ್ ಸ್ಟಾರ್ ದರ್ಶನ್ಗೆ ಮಾಜಿ ಸಚಿವ ಎಸ್.ಎಸ್.ಮಲ್ಲಿಕಾರ್ಜುನ್ ಎರಡು ಕುದುರೆಗಳನ್ನು ನೀಡಿದ್ದು, ನಗರದಿಂದ ಮೈಸೂರಿಗೆ ಲಾರಿ ಮೂಲಕ ಕೊಂಡೊಯ್ಯಲಾಯಿತು.
ಕಳೆದ ಎರಡು ದಿನಗಳ ಹಿಂದೆ ದಾವಣಗೆರೆಗೆ ಆಗಮಿಸಿದ್ದ ನಟ ದರ್ಶನ್, ದುಗ್ಗತ್ತಿ ಹಾಗೂ ಕಲ್ಲೇಶ್ವರ ರೈಸ್ ಮಿಲ್ಗೆ ಭೇಟಿ ಕೊಟ್ಟಿದ್ದರು. ಈ ವೇಳೆ ಕುದುರೆಗಳು, ಹಸು, ಕರುಗಳನ್ನು ವೀಕ್ಷಿಸಿದರು.
ಮೂರ್ನಾಲ್ಕು ತಿಂಗಳ ನೆದರ್ಲ್ಯಾಂಡ್ ಮೂಲದ ಬಾರೊಕ್ ಪಿಂಟೋ ಕುದುರೆ ಮರಿಗಳನ್ನು ದರ್ಶನ್ ಇಷ್ಟಪಟ್ಟಿದ್ದರು. ಮಲ್ಲಿಕಾರ್ಜುನ್ ಪ್ರೀತಿಯಿಂದ ಉಚಿತವಾಗಿ ನೀಡಿದ್ದಾರೆ ಎಂದು ಸ್ವತಃ ದರ್ಶನ್ ಅವರೇ ತಿಳಿಸಿದರು. ಈ ಎರಡು ಮರಿಗಳನ್ನು ಮೈಸೂರಿನಲ್ಲಿರುವ ದರ್ಶನ್ ಫಾರಂ ಹೌಸ್ಗೆ ಕುದುರೆಗಳನ್ನು ತೆಗೆದುಕೊಂಡು ಹೋಗಲಾಗಿದೆ.
