ಎಣ್ಣೆ ಮಾರಾಟಕ್ಕೆ ಬೆಣ್ಣೆನಗರಿಯಲ್ಲೂ ಗ್ರೀನ್​​ ಸಿಗ್ನಲ್​

ಮದ್ಯದಂಗಡಿಗಳಿಗೆ ನಾಳೆ (ಮೇ 4)ಯಿಂದ ಅನುಮತಿ ನೀಡುತ್ತಿದ್ದಂತೆ ಬಾರ್​ ಹಾಗೂ ಎಂಎಸ್​ಐಎಲ್​ ಅಂಗಡಿಗಳ ಮುಂದೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳಲು ಸಿದ್ದತೆ ಮಾಡಲಾಗುತ್ತಿದೆ.

ದಾವಣಗೆರೆ: ಮದ್ಯ ಮಾರಾಟ ನಾಳೆಯಿಂದ ಆರಂಭವಾಗಲಿದ್ದು ಬಾರ್​ಗಳು, ಎಂಎಸ್ಐಎಲ್ ಮುಂದೆ ಸಿದ್ಧತೆ ಮಾಡಿಕೊಳ್ಳಲಾಗುತ್ತಿದೆ.

ನಗರದ ವಿವಿಧೆಡೆ ಇರುವ ಬಾರ್​ಗಳಲ್ಲಿ ನಾಳೆ ಬೆಳಿಗ್ಗೆ 9ರಿಂದ ಸಂಜೆ 7 ಗಂಟೆಯವರೆಗೆ ‘ಎಣ್ಣೆ’ ಮಾರಾಟಕ್ಕೆ ಅನುಮತಿ ನೀಡಲಾಗಿದೆ. ಈಗಿನಿಂದಲೇ ಮದ್ಯಪ್ರಿಯರು ಸಜ್ಜಾಗುತ್ತಿದ್ದಾರೆ.

ಮದ್ಯದಂಗಡಿಗಳ ಮುಂದೆ ಬೊಂಬು ಕಟ್ಟಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳಲು ಗುರುತು ಮಾಡಲಾಗಿದೆ. ಲಾಕ್​ಡೌನ್ ಬಳಿಕ ಮದ್ಯ ಸಿಗದೇ ಕಂಗಾಲಾಗಿದ್ದ ಎಣ್ಣೆಪ್ರಿಯರು ಜಾತಕಪಕ್ಷಿಗಳಂತೆ ಕಾಯುತ್ತಿದ್ದಾರೆ.