ದಾವಣಗೆರೆ: ನೀವು ದಿಢೀರ್ ಪ್ರತಿಭಟನೆ ಕೈಗೊಂಡಿದ್ದು ನನಗೆ ಬೇಸರ ತರಿಸಲಿಲ್ಲ, ಬದಲಾಗಿ ಸಾರಿಗೆ ಸಂಸ್ಥೆಯ ಬಸ್ಗೆ ನೌಕರರು ಕಲ್ಲು ಹೊಡೆದಿದ್ದು ನಿಜಕ್ಕೂ ನೋವುಂಟು ಮಾಡಿದೆ ಎಂದು ಸಾರಿಗೆ ಸಚಿವ ಲಕ್ಷ್ಮಣ್ ಸವದಿ ಹೇಳಿದ್ದಾರೆ.
ಸಾರಿಗೆ ಸಚಿವ ಲಕ್ಷ್ಮಣ್ ಸವದಿ ಹೇಳಿಕೆ
ಕೇಂದ್ರೀಯ ಬಸ್ ನಿಲ್ದಾಣದ ಪುನರ್ ನಿರ್ಮಾಣ ಕಾರ್ಯಕ್ರಮದ ವೇದಿಕೆಯಲ್ಲಿ ಮಾತನಾಡಿದ ಅವರು, ನಮ್ಮ ಚಾಲಕರು, ನಿರ್ವಾಹಕರು ಸಾರಿಗೆ ಬಸ್ ಗೆ ಕಲ್ಲು ಎಸೆದದ್ದು, ಬೇಸರ ತರಿಸಿತು ಎಂದರು.
ನಿಮ್ಮ ಬದುಕಿಗೆ ಬೆಳಕನ್ನು ಕೊಟ್ಟಿರುವ ವಾಹನ ಅದು. ನಮ್ಮ ಬದುಕಿಗೆ ನಾವೇ ಕಲ್ಲು ಹಾಕಿಕೊಳ್ಳುತ್ತೇವೆ ಎನ್ನುವಂತದ್ದು ಆಗಬಾರದು. ನಿಮ್ಮ ಬೇಡಿಕೆಗಳ ಬಗ್ಗೆ ಆಗಲಿ, ಪ್ರತಿಭಟನೆ ಮಾಡಿರುವುದಾಗಲಿ ನಮಗೆ ಯಾವುದೇ ಬೇಸರ ಆಗಿಲ್ಲ. ಆದರೆ, ಕಲ್ಲೆಸೆಯುವ ಹುಚ್ಚು ಸಹಾಸಕ್ಕೆ ಕೈ ಹಾಕ್ಬೇಡಿ ಎಂದು ಸಲಹೆ ನೀಡಿದರು. ಇದೇ ವೇಳೆ ಎಲೆಕ್ಟ್ರಾನಿಕ ಬಸ್ಗಳ ಖರೀದಿಗೆ ಸರ್ಕಾರ ಮುಂದಾಗಿದ್ದು, ಮುಂದಿನ ದಿನಗಳಲ್ಲಿ ಅವು ಸಂಚರಿಸಲಿವೆ ಎಂದು ಸಚಿವರು ತಿಳಿಸಿದರು.
