ಬಿಜೆಪಿ ಶಾಸಕ ಎಸ್ಎ ರವೀಂದ್ರನಾಥ್ ಅಳಿಯನಿಗೆ ಸೋಲು

ಈ ಬಾರಿ ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ಮಾಜಿ ಸಚಿವ ಮತ್ತು ಹಾಲಿ ಬಿಜೆಪಿ ಶಾಸಕ ಎಸ್.ಎ. ರವೀಂದ್ರನಾಥ್ ಅಳಿಯನಿಗೆ ಸೋಲಾಗಿದೆ.

ದಾವಣಗೆರೆ: ಮಾಜಿ ಸಚಿವ ಮತ್ತು ಹಾಲಿ ಬಿಜೆಪಿ ಶಾಸಕ ಎಸ್.ಎ. ರವೀಂದ್ರನಾಥ್ ಅಳಿಯನಿಗೆ ಗ್ರಾಪಂ ಚುನಾವಣೆಯಲ್ಲಿ ಸೋಲಾಗಿದೆ.

ಮಾಜಿ ಸಚಿವ ರವಿಂದ್ರನಾಥ್ ಅಳಿಯ ನಾಗರಾಜ್ ಅವರು ನವೀನ್ ಎಂಬ ಅಭ್ಯರ್ಥಿ ವಿರುದ್ಧ ಪರಾಭವಗೊಂಡಿದ್ದಾರೆ. ತಾಲೂಕಿನ ಕಕ್ಕರಗೋಳ ಗ್ರಾಪಂ ದ ಕೋಡಿಹಳ್ಳಿ ಕ್ಷೇತ್ರದಿಂದ ನಾಗರಾಜ್ ಸ್ಪರ್ಧಿಸಿದ್ದು, ನಾಗರಾಜ್​ರವರ ಪ್ರತಿಸ್ಪರ್ಧಿ ನವೀನ್ 390 ಮತಗಳನ್ನು ಪಡೆಯುವ ಮೂಲಕ ಗೆಲುವು ಸಾಧಿಸಿದರು.

ಇತ್ತ ಎಸ್.ಎ. ರವಿಂದ್ರನಾಥ್​​​ ಅವರ ಅಳಿಯ ನಾಗರಾಜ್​​​ರವರು 305 ಮತಗಳನ್ನು ಪಡೆದು ಸೋಲು ಅನುಭವಿಸಿದರು. ಕಳೆದ ಬಾರಿ ಕಕ್ಕರಗೊಳ ಗ್ರಾಪಂ ಚುನಾವಣೆಯಲ್ಲಿ ಕೋಡಿಹಳ್ಳಿ ಕ್ಷೇತ್ರದಿಂದ ನಾಗರಾಜ್ ಗೆಲುವುದು ಸಾಧಿಸಿದ್ದು, 85 ಮತಗಳಿಂದ ಸೋಲನ್ನಪ್ಪಿದರು.