ದಾವಣಗೆರೆ: ಜಿಲ್ಲೆಯಲ್ಲಿ 265 ಮಂದಿಯಲ್ಲಿ ಕೊರೊನಾ ಪಾಸಿಟಿವ್ ಇರುವುದು ದೃಢಪಟ್ಟಿದ್ದು, ಇದುವರೆಗೆ 7,044 ಸೋಂಕಿತರಾದಂತಾಗಿದೆ. ವೈರಾಣುವಿಗೆ ಇಬ್ಬರು ಮೃತಪಟ್ಟಿದ್ದು, ಸಾವಿನ ಸಂಖ್ಯೆ 155 ಕ್ಕೇರಿದೆ.
ದಾವಣಗೆರೆಯ ಶಂಕರವೀರ ಲೇಔಟ್ನ ನಿವಾಸಿ, ಡಯಾಬಿಟಿಕ್ ಹಾಗೂ ಹೈಪರ್ ಟೆನ್ಷನ್ನಿಂದ ಬಳಲುತ್ತಿದ್ದ 58 ವರ್ಷದ ಪುರುಷ ಹಾಗೂ ಆಲೂರು ಗ್ರಾಮದ 80 ವರ್ಷದ ವೃದ್ಧ ಆಗಸ್ಟ್ 22ರಂದು ಚಿಗಟೇರಿ ಜಿಲ್ಲಾಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾರೆ.
ದಾವಣಗೆರೆಯಲ್ಲಿ 156, ಹರಿಹರ 22, ಜಗಳೂರು 5, ಚನ್ನಗಿರಿ 30, ಹೊನ್ನಾಳಿ 4, ಹೊರ ಜಿಲ್ಲೆಯಿಂದ ಬಂದಿದ್ದ 8 ಮಂದಿಯಲ್ಲಿ ಸೋಂಕಿರುವುದು ಖಚಿತವಾಗಿದೆ.
178 ಮಂದಿ ಕೊರೊನಾ ಸೋಂಕಿನಿಂದ ಸಂಪೂರ್ಣವಾಗಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆ ಹೊಂದಿದ್ದು, 4,915 ಜನರು ಈವರೆಗೆ ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದಾರೆ. 1,984 ಸಕ್ರಿಯ ಪ್ರಕರಣಗಳಿದ್ದು, ಚಿಕಿತ್ಸೆ ಮುಂದುವರಿದಿದೆ.
