ದಾವಣಗೆರೆ: ಜಿಲ್ಲೆಯಲ್ಲಿ ಇಂದು ಏಳು ಜನರಲ್ಲಿ ಕೊರೊನಾ ಪಾಸಿಟಿವ್ ಬಂದಿದ್ದು, ಸೋಂಕಿತರ ಸಂಖ್ಯೆ 345ಕ್ಕೆ ಏರಿದೆ. ಇಬ್ಬರು ವೃದ್ಧೆಯರು, ಇಬ್ಬರು ಯುವತಿಯರು, ಓರ್ವ ವೃದ್ಧ ಹಾಗೂ ಇಬ್ಬರು ಯುವಕರಲ್ಲಿ ಕೊರೊನಾ ಇರುವುದು ದೃಢಪಟ್ಟಿದೆ.
ದಾವಣಗೆರೆಯಲ್ಲಿ ನಾಲ್ಕು, ಚನ್ನಗಿರಿ, ಹೊನ್ನಾಳಿ, ಹರಿಹರದಲ್ಲಿ ತಲಾ ಒಂದೊಂದು ಪ್ರಕರಣ ಪತ್ತೆಯಾಗಿದೆ. ಬೆಳಗಾವಿಯಿಂದ ಬಂದಿದ್ದ 22 ವರ್ಷದ ಯುವಕ ಹಾಗೂ ದೆಹಲಿಯಿಂದ ಬಂದಿರುವ 23 ವರ್ಷದ ಯುವಕನಿಗೆ ಸೋಂಕು ತಗುಲಿದೆ. ಪಿ-10385 ಸೋಂಕಿತರಿಂದ 22 ವರ್ಷದ ಯುವತಿಗೆ, ಐಎಲ್ಐನಿಂದ ಬಳಲುತ್ತಿದ್ದ 73 ವರ್ಷದ ಓರ್ವ ವೃದ್ಧ, 63 ಮತ್ತು 60 ವರ್ಷದ ಇಬ್ಬರು ವೃದ್ಧೆಯರು ಹಾಗೂ 22 ವರ್ಷದ ಯುವತಿಗೆ ಕೋವಿಡ್ ತಗುಲಿದೆ.
ಇಂದು 9 ಮಂದಿ ಆಸ್ಪತ್ರೆಯಿಂದ ಬಿಡುಗಡೆ ಹೊಂದಿದ್ದು, ಕೊರೊನಾದಿಂದ ಒಟ್ಟು 294 ಮಂದಿ ಸಂಪೂರ್ಣವಾಗಿ ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದಾರೆ. 9 ಮಂದಿ ಮೃತಪಟ್ಟಿದ್ದು, 42 ಸಕ್ರಿಯ ಪ್ರಕರಣಗಳಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.
