ಮಂಗಳೂರು: ಈದ್ ಮಿಲಾದ್ ಪ್ರಯುಕ್ತ ನಡೆಯುವ ಮಿಲಾದುನ್ನಬಿ ಮೆರವಣಿಗೆ ವೇಳೆ ಹಿಂದುಗಳು ತಂಪು ಪಾನೀಯ ವಿತರಿಸುವ ಮೂಲಕ ಸೌಹಾರ್ದತೆ ಮೆರೆದಿದ್ದಾರೆ. ಬಂದರ್ ಕಂದುಕ ಪ್ರದೇಶದಲ್ಲಿ ಬೆಳಗ್ಗೆ ನಡೆದ ಮೆರವಣಿಗೆಯ ಸಂದರ್ಭದಲ್ಲಿ ತುಳುನಾಡ ಸಂಜೀವಿನಿ ಸಂಸ್ಥೆ ಹಾಗೂ ಯುವಶಕ್ತಿ ಫ್ರೆಂಡ್ಸ್ ವತಿಯಿಂದ ಸಿಹಿತಿಂಡಿ ಹಾಗೂ ತಂಪು ಪಾನೀಯಗಳನ್ನು ಹಂಚಲಾಯಿತು.
ಮಿಲಾದುನ್ನಬಿ ಮೆರವಣಿಗೆ ವೇಳೆ ಹಿಂದೂಗಳ ಸೌಹಾರ್ದತೆ
ಇನ್ನು, ಪುತ್ತೂರಿನಲ್ಲಿಯೂ ಕೂಡ ಮಿಲಾದುನ್ನಬಿ ಮೆರವಣಿಗೆಯಲ್ಲಿ ಅಲ್ಲಿನ ಹಿಂದುಗಳು ಸಿಹಿತಿಂಡಿ ವಿತರಿಸಿದ್ದಾರೆ. ಸೈಯದ್ ಮಲೆ ಮಿಸ್ಬಾಹುಲ್ ಹುದಾ ಮದರಸಾ ವಿದ್ಯಾರ್ಥಿಗಳ ಆಕರ್ಷಕ ಪಥ ಸಂಚಲನದೊಂದಿಗೆ ಸಾಲ್ಮರ ಮಸೀದಿಯಿಂದ ಕೆರೆಮೂಲೆಯವರೆಗೆ ಮಿಲಾದ್ ಜಾಥಾ ನಡೆದಾಗ ಸಾಲ್ಮರ ನಾಗಬನ ಸೇವಾ ಸಮಿತಿಯು ಮಿಲಾದ್ ಸಂಭ್ರಮದಲ್ಲಿದ್ದವರಿಗೆ ಸಿಹಿ ತಿಂಡಿ ನೀಡಿ ಸೌಹಾರ್ದತೆ ಮೆರೆದಿದ್ದಾರೆ.
ಮಂಗಳೂರು ದಕ್ಷಿಣ ಕ್ಷೇತ್ರದ ಶಾಸಕ ವೇದವ್ಯಾಸ ಕಾಮತ್ ಬ್ಯಾರಿ ಭಾಷೆಯಲ್ಲಿ ಮಿಲಾದುನ್ನಬಿ ಶುಭಾಶಯ ಕೋರಿದ್ದಾರೆ.
