ಮಂಗಳೂರು: ನಗರದ ಖಾಸಗಿ ಆಸ್ಪತ್ರೆಯಲ್ಲಿ ಕೋವಿಡ್ನಿಂದ ಮೃತಪಟ್ಟ ತಾಯಿ-ಮಗನ ಮೃತದೇಹ ಬಿಟ್ಟುಕೊಡಲು 10 ಲಕ್ಷ ಬಿಲ್ ಮಾಡಲಾಗಿದೆ ಎಂಬ ಗಂಭೀರ ಆರೋಪ ಕೇಳಿ ಬಂದಿದೆ.
ತಾಯಿ-ಮಗ ಇಬ್ಬರಿಗೂ ಸೋಂಕು ತಗುಲಿದ್ದು, ಚಿಕಿತ್ಸೆಗಾಗಿ ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ತಾಯಿ ವಾರದ ಹಿಂದೆ ಮೃತಪಟ್ಟರೆ, ಮಗ ನಿನ್ನೆ ಮೃತಪಟ್ಟಿದ್ದಾರೆ. ತಾಯಿಯ ಆಸ್ಪತ್ರೆ ಬಿಲ್ 8 ಲಕ್ಷ ರೂ. ಆಗಿದ್ದು, ಅದನ್ನು ಕಟ್ಟಲಾಗಿತ್ತು. ಆದರೆ ಇದೀಗ ಅವರ ಮಗನ ಮೃತದೇಹ ನೀಡಲು ಆಸ್ಪತ್ರೆ 10 ಲಕ್ಷ ರೂ. ಕಟ್ಟಲು ಕೇಳಿದೆ ಎನ್ನಲಾಗ್ತಿದೆ.
ಮೃತಪಟ್ಟವರ ಕುಟುಂಬಸ್ಥರು, ಕಾಂಗ್ರೆಸ್ ಮುಖಂಡ ಸುಹೈಲ್ ಕಂದಕ್ ಮತ್ತಿತರರು ತೆರಳಿ ಈ ಬಗ್ಗೆ ಮಾತನಾಡಿದ ಬಳಿಕ ಆಸ್ಪತ್ರೆಯವರು 4.60 ಲಕ್ಷ ರೂ. ಕಟ್ಟಲು ತಿಳಿಸಿದ್ದಾರೆ ಎಂದು ತಿಳಿದು ಬಂದಿದೆ.
ಈ ನಡುವೆ 14 ಡೋಸ್ ರೆಮ್ಡೆಸಿವಿರ್ ನೀಡಲಾಗಿದೆ. ಇದರಿಂದಲೇ ಸೋಂಕಿತರು ಮೃತಪಟ್ಟಿದ್ದಾರೆಂದು ಸಂಬಂಧಿಕರು ದೂರಿದ್ದಾರೆ.
ಓದಿ: ವ್ಯರ್ಥ ಆಗಬಾರದೆಂದು ಮೋದಿ ವ್ಯಾಕ್ಸಿನ್‌ ಬೇರೆ ದೇಶಗಳಿಗೆ ಕಳುಹಿಸಿದರು.. ಶಾಸಕ ಚರಂತಿಮಠ
