ಫೆ.7ಕ್ಕೆ ದಿಯಾ ಸಿನಿಮಾ ತೆರೆಗೆ: ಇದು ಸಂಗೀತವೇ ಇಲ್ಲದ ಲವ್ ಸ್ಟೋರಿ ಎಂದ ನಟ

ದಿಯಾ ಸಿನಿಮಾಕ್ಕಾಗಿ ಒಂದೂವರೆ ವರ್ಷಗಳ ಕಾಲ ರಿಹರ್ಸಲ್ ಮಾಡಿದ್ದೇವೆ. ಎಲ್ಲರೂ ಈ ಚಿತ್ರವನ್ನು ತುಂಬಾ ಕಾಲ ನೆನಪಿನಲ್ಲಿ ಇಟ್ಟುಕೊಳ್ಳುವಂತೆ ನಿರ್ಮಾಣ ಮಾಡಿದ್ದೇವೆ ಎಂದು ನಟ ಪೃಥ್ವಿ ಅಂಬರ್ ಹೇಳಿದ್ದಾರೆ.

ಮಂಗಳೂರು: ಕನ್ನಡದಲ್ಲಿ ಮೊಟ್ಟ ಮೊದಲ ಬಾರಿಗೆ ಯುರೋಪಿಯನ್ ಸ್ಟೈಲ್ ನಲ್ಲಿ ತಯಾರಾಗಿರುವ ದಿಯಾ ಸಿನಿಮಾ ಫೆ.7ರಂದು ಬಿಡುಗಡೆಯಾಗಲಿದೆ.

ಈ ಕುರಿತು ನಟ ಪೃಥ್ವಿ ಅಂಬರ್ ಮಾತನಾಡಿ, ಇದೊಂದು ಸಂಗೀತ ರಹಿತ ಲವ್ ಸ್ಟೋರಿ. ಈ ಸಿನಿಮಾದಲ್ಲಿ ಒಂದೇ ಒಂದು ಹಾಡು, ಫೈಟ್ ದೃಶ್ಯಗಳು ಇಲ್ಲ. ಇಡೀ ಚಿತ್ರವನ್ನು ಕಥೆಗೆ ಪ್ರಾಮುಖ್ಯತೆ ನೀಡಿ ಶೂಟಿಂಗ್ ಮಾಡಲಾಗಿದೆ‌ ಎಂದು ತಿಳಿಸಿದ್ದಾರೆ.

ದಿಯಾ ಸಿನಿಮಾಕ್ಕಾಗಿ ಒಂದೂವರೆ ವರ್ಷಗಳ ಕಾಲ ರಿಹರ್ಸಲ್ ಮಾಡಿದ್ದೇವೆ. ಎಲ್ಲರೂ ಈ ಚಿತ್ರವನ್ನು ತುಂಬಾ ಕಾಲ ನೆನಪಿನಲ್ಲಿ ಇಟ್ಟುಕೊಳ್ಳುವಂತೆ ನಿರ್ಮಾಣ ಮಾಡಿದ್ದೇವೆ. ತಾಯಿ ಮಗನ ಸೆಂಟಿಮೆಂಟ್​ ದೃಶ್ಯ ಎಲ್ಲರ ಕಣ್ಣಲ್ಲೂ ನೀರು ತರಿಸುತ್ತೆ ಎಂದು ಸಿನಿಮಾ ಬಗ್ಗೆ ಹೇಳಿದರು.