ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಅಕ್ರಮ ಚಿನ್ನ ಸಾಗಣೆದಾರರ ಬಂಧನ: 238 ಗ್ರಾಂ ಬಂಗಾರ ವಶ

ತಪಾಸಣೆ ವೇಳೆ ಇಬ್ಬರು ಅಕ್ರಮ ಚಿನ್ನ ಸಾಗಣೆಗಾರರನ್ನು ಮಂಗಳೂರು ವಿಮಾನ ನಿಲ್ದಾಣದ ಕಸ್ಟಮ್ಸ್ ಅಧಿಕಾರಿಗಳು ಬಂಧಿಸಿದ್ದಾರೆ.

ಮಂಗಳೂರು: ಅಕ್ರಮವಾಗಿ ಚಿನ್ನ ಸಾಗಾಟ ಮಾಡುತ್ತಿದ್ದ ಇಬ್ಬರನ್ನು ಮಂಗಳೂರು ವಿಮಾನ ನಿಲ್ದಾಣದ ಕಸ್ಟಮ್ಸ್ ಅಧಿಕಾರಿಗಳು ಬಂಧಿಸಿದ್ದಾರೆ.

ಅಕ್ರಮ ಚಿನ್ನ ಸಾಗಾಟ

ಗುಜರಾತ್​ ಮೂಲದ ಇಬ್ರಾಹಿಮ್ ಕೊಲಾಡ್ ಮತ್ತು ಭಟ್ಕಳದ ಮೊಹಮ್ಮದ್ ಬಶೀರ್ ರಕ್ನುದ್ದೀನ್ ಬಂಧಿತರು. ನಿನ್ನೆ ಇವರಿಬ್ಬರೂ ದುಬೈನಿಂದ ಇಂಡಿಗೋ ವಿಮಾನದಲ್ಲಿ ಮಂಗಳೂರಿಗೆ ಬಂದಿದ್ದರು.

ತಪಾಸಣೆ ವೇಳೆ ಓರ್ವ ಪ್ರಯಾಣಿಕನ ಮೇಕಪ್ ಫೌಂಡೇಶನ್ ಬಾಕ್ಸ್​ನಲ್ಲಿ ಚಿನ್ನವನ್ನು ಪೇಸ್ಟ್ ರೂಪದಲ್ಲಿ ಸಾಗಣೆ ಮಾಡುತ್ತಿರುವುದು ಬೆಳಕಿಗೆ ಬಂದಿದೆ. ಮತ್ತೋರ್ವ ಕಂಕುಳಲ್ಲಿ ಪ್ಲಾಸ್ಟರಿಂಗ್ ಹಾಕಿಕೊಂಡು ಪೌಡರ್ ರೂಪದಲ್ಲಿ ಅಕ್ರಮವಾಗಿ ಬಂಗಾರ ಸಾಗಣೆ ಮಾಡುತ್ತಿದ್ದ.

ಅಕ್ರಮ ಚಿನ್ನ ಸಾಗಣೆ

ಇದನ್ನೂ ಓದಿ: ಬಿಸಿಯೂಟ ಸೇವಿಸಿ 5 ವರ್ಷದ ಬಾಲಕಿ ಸಾವು ಆರೋಪ: ಪ್ರಾಂಶುಪಾಲ ಅಮಾನತು

ಒಟ್ಟು 238 ಗ್ರಾಂ ಚಿನ್ನವನ್ನು ವಶಕ್ಕೆ ಪಡೆದುಕೊಂಡ ಮಂಗಳೂರು ಕಸ್ಟಮ್ಸ್ ಅಧಿಕಾರಿಗಳು ಇಬ್ಬರನ್ನೂ ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ.