ಮಂಗಳೂರು: ಮಂಗಳೂರಿನ ಆಳಸಮುದ್ರದಲ್ಲಿ ನಡೆದ ಮೀನುಗಾರಿಕಾ ಬೋಟ್ ದುರಂತದಲ್ಲಿ ಕಣ್ಮರೆಯಾಗಿದ್ದ 9 ಮಂದಿಯಲ್ಲಿ ಇಬ್ಬರ ಮೃತದೇಹ ಇಂದು ಪತ್ತೆಯಾಗಿದೆ.
ಸೋಮವಾರದಂದು ಕೇರಳದ ಕೊಯಿಕ್ಕೋಡ್ನಿಂದ ಮೀನುಗಾರಿಕೆಗೆ ಹೊರಟ ಬೋಟ್ ಮಂಗಳೂರಿನ 43 ನಾಟಿಕಲ್ ಮೈಲ್ ದೂರದ ಆಳಸಮುದ್ರದಲ್ಲಿ ಸರಕು ಸಾಗಾಣೆ ಮಾಡುತ್ತಿದ್ದ ಹಡಗಿಗೆ ಡಿಕ್ಕಿ ಹೊಡೆದು ಮುಳುಗಡೆಯಾಗಿತ್ತು.
ಹೆಚ್ಚಿನ ಓದಿಗೆ : ಮಂಗಳೂರು ಬೋಟ್ ದುರಂತ.. ಪ್ರಾಣಾಪಾಯದಿಂದ ಪಾರಾದ ಮೀನುಗಾರ ಹೇಳಿದ್ದೇನು ಗೊತ್ತಾ..?
14ಮಂದಿ ಪಶ್ಚಿಮ ಬಂಗಾಳದ ತಮಿಳುನಾಡಿನ ಮೀನುಗಾರರಿದ್ದ ಈ ಬೋಟ್ ನಲ್ಲಿದ್ದ ಇಬ್ಬರನ್ನು ರಕ್ಷಣೆ ಮಾಡಲಾಗಿತ್ತು. ಮೂವರ ಮೃತದೇಹ ಮಂಗಳವಾರದಂದು ಪತ್ತೆಯಾಗಿತ್ತು. ಕಣ್ಮರೆಯಾಗಿದ್ದ 9 ಮಂದಿಗಾಗಿ ಆಳಸಮುದ್ರದಲ್ಲಿ ಇಂಡಿಯನ್ ಕೋಸ್ಟ್ ಗಾರ್ಡ್ ಸಿಬ್ಬಂದಿ ಶೋಧ ನಡೆಸುತ್ತಿದ್ದರು. ಕಣ್ಮರೆಯಾದ 9 ಮಂದಿಯಲ್ಲಿ 2 ಮಂದಿಯ ಮೃತದೇಹ ಇಂದು ಪತ್ತೆಯಾಗಿದೆ.
ಮೃತದೇಹದ ಗುರುತು ಪತ್ತೆಯಾಗಿಲ್ಲ. ಉಳಿದಂತೆ ಕಣ್ಮರೆಯಾಗಿರುವ 7 ಮೀನುಗಾರರ ಹುಡುಕಾಟವನ್ನು ಇಂಡಿಯನ್ ಕೋಸ್ಟ್ ಗಾರ್ಡ್ ಸಿಬ್ಬಂದಿ ಮುಂದುವರಿಸಿದ್ದಾರೆ.
