ತರೀಕೆರೆಯ ಖಾಜಿ ಬೀದಿ ಸೀಲ್ ಡೋನ್ ತೆರವು: ಪುಷ್ಪವೃಷ್ಠಿ ಮೂಲಕ ಕೊರೊನಾ ವಾರಿಯರ್ಸ್​ಗೆ‌ ಧನ್ಯವಾದ

ತರೀಕೆರೆ ತಾಲೂಕಿನ ಗರ್ಭಿಣಿಗೆ ಕೊರೊನಾ ಪಾಸಿಟಿವ್​ ಬಂದಿದ್ದ ಹಿನ್ನೆಲೆ ಆ ಮಹಿಳೆ ವಾಸಿಸುತ್ತಿದ್ದ ಪ್ರದೇಶವನ್ನು ಜಿಲ್ಲಾಡಳಿತ ಸೀಲ್​ಡೌನ್ ಮಾಡಿತ್ತು. ಆದರೆ ಈ ಮಹಿಳೆಗೆ ಕೊರೊನಾ ನೆಗೆಟಿವ್ ಬಂದಿರುವ ಕಾರಣ ಸೀಲ್​ಡೌನ್ ಅನ್ನು ಪೊಲೀಸರು ತೆರವು ಮಾಡಿದ್ದಾರೆ.

ಚಿಕ್ಕಮಗಳೂರು: ಕಳೆದ 11 ದಿನಗಳಿಂದ ತರೀಕೆರೆಯ ಖಾಜಿ ಬೀದಿ ಸೀಲ್​ಡೌನ್ ಮಾಡಲಾಗಿತ್ತು. ಸೀಲ್​ಡೌನ್ ತೆರವು ಹಿನ್ನೆಲೆ ಈ ಭಾಗದಲ್ಲಿ ವ್ಯಾಪಾರ ವಹಿವಾಟು ಆರಂಭವಾಗಿದ್ದು, ತರೀಕೆರೆ ನಗರದ ಜನತೆ ಇದರಿಂದ ನಿಟ್ಟುಸಿರು ಬಿಡುವಂತಾಗಿದೆ.

ನಗರದ ಪ್ರಮುಖ ಬೀದಿಗಳಲ್ಲಿ ಪೊಲೀಸರು ಜನರಲ್ಲಿ ಜಾಗೃತಿ ಮೂಡಿಸುತ್ತಿದ್ದಾರೆ. ಈ ನಿರ್ಬಂಧಗಳನ್ನು ತೆಗೆದ ಪೊಲೀಸರು ಹಾಗೂ ಪೌರ ಕಾರ್ಮಿಕರು ಹಾಗೂ ಅಧಿಕಾರಿಗಳು ಈ ಬೀದಿ ಪ್ರವೇಶಿಸುತ್ತಿದ್ದಂತೆ ಜನರು ಹೂಮಳೆ ಸುರಿದು, ಆರತಿ ಬೆಳಗಿ ಧನ್ಯವಾದ ಅರ್ಪಿಸಿದರು.