ಲಾಕ್‌ಡೌನ್‌ ಟೈಂಪಾಸ್‌: ಮಕ್ಕಳೊಂದಿಗೆ ವಾಲಿಬಾಲ್ ಆಡಿದ ಸಚಿವ ಸಿ.ಟಿ.ರವಿ

ಸದಾ ರಾಜಕಾರಣದಲ್ಲಿ ಬ್ಯುಸಿ ಇರುತ್ತಿದ್ದ ಸಚಿವ ಸಿ.ಟಿ.ರವಿ ಇಂದು ತಮ್ಮ ಮಕ್ಕಳೊಂದಿಗೆ ಒಂದು ಗಂಟೆಗೂ ಅಧಿಕ ಕಾಲ ವಾಲಿಬಾಲ್ ಆಡಿ, ತಮ್ಮ ಕುಟುಂಬದ ಸದಸ್ಯರೊಂದಿಗೂ ಖುಷಿಯಾಗಿ ಕಾಲ ಕಳೆದರು.

ಚಿಕ್ಕಮಗಳೂರು: ಕೊರೊನಾ ಭೀತಿ ಹಾಗೂ ಲಾಕ್‌ಡೌನ್ ಹಿನ್ನೆಲೆಯಲ್ಲಿ ಚಿಕ್ಕಮಗಳೂರು ಜಿಲ್ಲಾ ಉಸ್ತುವಾರಿ ಸಚಿವ ಸಿ.ಟಿ.ರವಿ ರಾಮನಹಳ್ಳಿಯಲ್ಲಿರುವ ತಮ್ಮ ಫಾರ್ಮ್ ಹೌಸ್‌ನಲ್ಲಿ ವಾಸ್ತವ್ಯ ಹೂಡಿದ್ದಾರೆ.

ಬೆಳಗ್ಗೆ ನಗರ ಸಂಚಾರ ಮಾಡಿ ಲಾಕ್ ಡೌನ್​ ಪರಿಶೀಲನೆ ಮಾಡಿರುವ ಸಚಿವರು ಇನ್ನೊಂದು ಕಡೆ ತಮ್ಮ ಕುಟುಂಬ ಸದಸ್ಯರಿಗೂ ಸಮಯ ಮೀಸಲಿಡುತ್ತಿದ್ದಾರೆ. ಇಂದು ತಮ್ಮ ಮಕ್ಕಳೊಂದಿಗೆ ಗಂಟೆಗೂ ಅಧಿಕ ಕಾಲ ವಾಲಿಬಾಲ್ ಆಡಿ ನಿರಾಳರಾದ್ರು.