ಚಿಕ್ಕಬಳ್ಳಾಪುರ (ಚಿಂತಾಮಣಿ): ನಂದಿಗಾನಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ನಿಮ್ಮಕಾಯಲಹಳ್ಳಿ ಗ್ರಾಮದ ಹಜರತ್ ಸೈಯದ್ ಜಲಾಲ್ ಖಾಕಿ ಶಾ ಮೌಲಾ ಬಾಬಾ ದರ್ಗಾದ ಮೇಲುಸ್ತುವಾರಿಯಾಗಿ ಮುಜಾವರ್ ನವೀದ್ ಪಾಷಾ ಅವರನ್ನು ನೇಮಿಸಲಾಗಿದೆ.
ಹಜರತ್ ಸೈಯದ್ ಜಲಾಲ್ ಖಾಕಿ ಶಾ ಮೌಲಾ ಬಾಬಾ ದರ್ಗಾ
ಜಿಲ್ಲಾ ವಕ್ಫ್ ಅಧಿಕಾರಿ ನವೀದ್ ಪಾಷಾರವರಿಗೆ ದರ್ಗಾದ ಬೀಗದ ಕೀಗಳನ್ನು ನೀಡುವುದರ ಮೂಲಕ ದರ್ಗಾದ ಅಧಿಕಾರವನ್ನು ಹಸ್ತಾಂತರಿಸಲಾಗಿದೆ. ವರ್ಷದ ಹಿಂದೆ ವಕ್ಫ್ ಮಂಡಳಿ ನಿಯಮಗಳ ಪ್ರಕಾರ, ಜಿಲ್ಲಾ ವಕ್ಫ್ ಅಧಿಕಾರಿಯಾದ ನವೀದ್ ಪಾಷಾ ಅವರ ನೇತೃತ್ವದಲ್ಲಿ ಬಾಬಾಜಾನ್ ಅವರಿಗೆ ಅಧಿಕಾರವನ್ನು ವಹಿಸಲಾಗಿತ್ತು. ಈಗ ಮತ್ತೆ ಮುಜಾವರ್ ನವೀದ್ ಪಾಷಾರವರಿಗೆ ಅಧಿಕಾರವನ್ನು ನೀಡಲಾಗಿದೆ.
ಜಿಲ್ಲಾ ವಕ್ಫ್ ಅಧಿಕಾರಿ ನವೀದ್ ಪಾಷಾ ಮಾತನಾಡಿ, ದರ್ಗಾ ಸಮಿತಿಯ ಅವಧಿ ಮುಗಿದಿದ್ದು ಕೂಡಲೇ ದರ್ಗಾ ಆಡಳಿತ ಅಧಿಕಾರಿಯನ್ನು ನೇಮಕ ಮಾಡಲು ರಾಜ್ಯ ವಕ್ಫ್ ಮಂಡಳಿಗೆ ಶಿಫಾರಸ್ಸು ಮಾಡಲಾಗುವುದು ಎಂದರು.
ಈ ಸಂದರ್ಭದಲ್ಲಿ ಆರೀಫ್ ಖಾನ್, ತಯ್ಯೂಬ್ ನವಾಜ್ ಮತ್ತಿತರು ಉಪಸ್ಥಿತರಿದ್ದರು.
