ನರೇಂದ್ರ ಮೋದಿ ಭಸ್ಮಾಸುರ, ಕ್ರೀಡಾಂಗಣಕ್ಕೆ ಅವರ ಹೆಸರೇಕೆ ?: ವಾಟಾಳ್ ನಾಗರಾಜ್

ಗುಜರಾತ್​ನ ಮೊಟೆರಾ ಸ್ಟೇಡಿಯಂಗೆ ಪ್ರಧಾನಿ ಹೆಸರಿಡಲಾಗಿದೆ. ಅವರಿಗೆ ಅವರೇ ಇಟ್ಟುಕೊಂಡಿದ್ದಾರೆ. ಮಹಾತ್ಮ ಗಾಂಧಿ ಹೆಸರನ್ನೇಕೆ ಇಡಲಿಲ್ಲ ವಲ್ಲಭಭಾಯಿ ಪಟೇಲ್ ಹೆಸರಿಡಬಹುದಿತ್ತು, ಒಂದೆಡೆ ರೈತರ ಪ್ರತಿಭಟನೆ, ದೇಶದಲ್ಲಿ ಭಯಭೀತ ವಾತಾವರಣ ಇದೆ ಎಂದು ಕನ್ನಡ ಚಳವಳಿಗಾರ ವಾಟಾಳ್ ನಾಗರಾಜ್ ಟೀಕಿಸಿದರು.

ಚಾಮರಾಜನಗರ: ಪ್ರಧಾನಿ ನರೇಂದ್ರ ಮೋದಿ ಭಾರತದ ಭಸ್ಮಾಸುರ, ಮೊಟೆರಾ ಕ್ರೀಡಾಂಗಣಕ್ಕೆ ಅವರ ಹೆಸರನ್ನೇಕೆ ಇಡಬೇಕಿತ್ತು ಎಂದು ಕನ್ನಡ ಚಳವಳಿಗಾರ ವಾಟಾಳ್ ನಾಗರಾಜ್ ಟೀಕಿಸಿದರು.

ಸುದ್ದಿಗಾರರೊಂದಿಗೆ ಅವರು ಮಾತನಾಡಿ, ಗುಜರಾತ್​ನ ಮೊಟೆರಾ ಸ್ಟೇಡಿಯಂಗೆ ಪ್ರಧಾನಿ ಹೆಸರಿಡಲಾಗಿದೆ. ಅವರಿಗೆ ಅವರೇ ಇಟ್ಟುಕೊಂಡಿದ್ದಾರೆ. ಮಹಾತ್ಮ ಗಾಂಧಿ ಅಥವಾ ವಲ್ಲಭಭಾಯಿ ಪಟೇಲ್ ಹೆಸರಿಡಬಹುದಿತ್ತು ಎಂದು ಸಲಹೆ ನೀಡಿದರು.

ಓದಿ.. ರಾಣೆಬೆನ್ನೂರು ಬಳಿ ಟಿಪ್ಪರ್ ಡಿಕ್ಕಿ: ಪತಿ-ಪತ್ನಿ ಹಾಗೂ ಇಬ್ಬರು ಮಕ್ಕಳ ದುರ್ಮರಣ

ಈ ದೇಶದಲ್ಲೇ ಗಟ್ಟಿಯಾಗಿ, ಧೈರ್ಯವಾಗಿ ಇರುವ ಏಕೈಕ ಸಿಎಂ ಮಮತಾ ಬ್ಯಾನರ್ಜಿ. ಅವರಿಗೆ ಎಷ್ಟೇ ಬೆಂಬಲ ನೀಡಿದರೂ ಕಡಿಮೆಯೇ, ತಮಿಳುನಾಡಿನ ಸಿಎಂ ಆರ್​ಎಸ್​ಎಸ್ ಏಜೆಂಟ್​ನಂತೆ ವರ್ತಿಸುತ್ತಿದ್ದಾರೆ ಎಂದು ಕಿಡಿಕಾರಿದರು.