ಬಿಳಿಗಿರಿ ರಂಗನ ಬೆಟ್ಟದಲ್ಲಿ‌ ವರುಣನ ಸಿಂಚನ.. ಪ್ರವಾಸಿಗರು ಫುಲ್ ಖುಷ್

ಚಾಮರಾಜನಗರ ಜಿಲ್ಲೆಯ ಬಿಳಿಗಿರಿ ರಂಗನ ಬೆಟ್ಟದಲ್ಲಿ 2 ಗಂಟೆಗೂ ಅಧಿಕ ಕಾಲ ನಿರಂತರ ಮಳೆ ಸುರಿದಿದೆ.

ಕೊಳ್ಳೇಗಾಲ (ಚಾಮರಾಜ ನಗರ): ಪಶ್ಚಿಮ ಘಟ್ಟಗಳ ತಪ್ಪಲಿನಲ್ಲಿರುವ ಬಿಳಿಗಿರಿ ರಂಗನ ಬೆಟ್ಟಕ್ಕೆ ಬರುವ ಪ್ರವಾಸಿಗರಿಗೆ ಇಂದು ವರುಣದೇವ ಸ್ವಾಗತ ನೀಡಿದ್ದಾನೆ. ಇಂದು ನಿರಂತರ 2 ಗಂಟೆಗಳ ಮಳೆ ಸುರಿದು ವಾತಾವರಣ ತಂಪಾಗಿದ್ದು, ಆಹ್ಲಾದಕರ ವಾತಾವರಣ ಮೂಡಿದೆ.

ಕೊರೊನಾ ವೈರಸ್​ ಹಿನ್ನೆಲೆ, ಮೂರು ತಿಂಗಳಿನಿಂದಲೂ ಬೆಟ್ಟಕ್ಕೆ ಭಾನುವಾರದ ಪ್ರವೇಶಕ್ಕೆ ಅನುಮತಿ ಇರಲಿಲ್ಲ. ಇದೀಗ ಸಂಡೇ ಲಾಕ್​ಡೌನ್ ಸಂಪೂರ್ಣ ತೆರವಾಗಿದ್ದು, ಬೆಟ್ಟಕ್ಕೆ ಪ್ರವಾಸಿಗರ ದಂಡೇ ಹರಿದುಬಂದಿದೆ.

ಬೆಟ್ಟದ ಸುತ್ತಲೂ ಆವರಿಸಿದ ಮಂಜಿನಿಂದ ಪ್ರವಾಸಿಗರು ಮೈಮರೆತರು. ಅಲ್ಲದೆ, ಬೆಟ್ಟದ ತಪ್ಪಲಿನಲ್ಲಿ ಸೆಲ್ಫಿ, ಫೋಟೋ ಕ್ಲಿಕ್ಕಿಸಿಕೊಂಡರು.