ಚಾಮರಾಜನಗರ: ಬೀದರ್ನಲ್ಲಿ ಬಸವಕಲ್ಯಾಣದಂತೆ ಗಡಿ ಜಿಲ್ಲೆ ಚಾಮರಾಜನಗರದಲ್ಲಿ ಬಸವನಾಡು ಎಂಬ ಅದ್ಭುತ ಕಲ್ಪನೆಯ ಯೋಜನೆ ನನ್ನ ಬಳಿಯಿದೆ. ಶೀಘ್ರವೇ ರೂಪುರೇಷೆ ಘೋಷಿಸುತ್ತೇನೆ ಎಂದು ಕನ್ನಡ ಚಳವಳಿಗಾರ ವಾಟಾಳ್ ನಾಗಾರಾಜ್ ತಿಳಿಸಿದರು.
ನಗರದಲ್ಲಿ ಸುದ್ದಿಗಾರರೊಂದಿಗೆ ಅವರು ಮಾತನಾಡಿದ ಅವರು, ಮೈಸೂರು-ಚಾಮರಾಜನಗರ ಒಳಗೊಂಡಂತೆ ಬಸವನಾಡು ಎಂಬ ಯೋಜನೆ ರೂಪಿಸುತ್ತಿದ್ದು, ಈಗಲೇ ಅದರ ಆಳ-ಅಗಲ ತಿಳಿಸಲು ಸಾಧ್ಯವಿಲ್ಲ. ಸರ್ಕಾರ ಹಾಗೂ ಖಾಸಗಿಯವರ ಸಹಾಯದ ಮೂಲಕ ಮಾಡೇ ತೀರುತ್ತೇನೆ ಎಂದರು.
ಚಾಮರಾಜನಗರದಲ್ಲಿ ಬಸವನಾಡು ಯೋಜನೆಗೆ ಚಿಂತನೆ: ವಾಟಾಳ್ ನಾಗರಾಜ್
ಇನ್ನು, ಕೊರೊನಾ ಯೋಧರಾಗಿ ಪೊಲೀಸರು ದುಡಿಯುತ್ತಿದ್ದಾರೆ. ಆದ್ದರಿಂದ ಈಗಲಾದರೂ ಔರಾದ್ಕರ್ ವರದಿಯನ್ನು ಜಾರಿಗೊಳಿಸಬೇಕು. ಇಲ್ಲದಿದ್ದಲ್ಲಿ ಮುಂದಿನ ವಾರದಿಂದ ವಿಧಾನಸೌಧದ ಮುಂಭಾಗ ಹಗಳು-ರಾತ್ರಿ ಸತ್ಯಾಗ್ರಹ ನಡೆಸುತ್ತೇನೆ ಎಂದು ಎಚ್ಚರಿಸಿದರು.
ಇದಕ್ಕೂ ಮುನ್ನ ಕೊರೊನಾ ಮುಕ್ತ ಚಾಮರಾಜನಗರ ಆಗಿರುವುದಕ್ಕೆ ಚಾಮರಾಜೇಶ್ವರನಿಗೆ ಕರ್ಪೂರ ಹೊತ್ತಿಸಿ, ಈಡುಗಾಯಿ ಒಡೆದು ಚಾಮರಾಜನಗರ ಹಾಗೂ ರಾಜ್ಯ ಶೀಘ್ರ ಕೊರೊನಾ ಭೀತಿಯಿಂದ ಹೊರ ಬರಲೆಂದು ಪ್ರಾರ್ಥಿಸಿದರು.
