ಚಾಮರಾಜನಗರ: ಹುಟ್ಟಿ ಕೆಲ ದಿನಗಳಾಗಿರುವ ಮರಿಯನ್ನು ಆನೆಗಳು ಅತ್ಯಂತ ಸುರಕ್ಷಿತವಾಗಿ ರಸ್ತೆ ದಾಟಿಸಿರುವ ಘಟನೆ ಬಂಡೀಪುರ - ಮಧುಮಲೈ ರಸ್ತೆಯಲ್ಲಿ ನಡೆದಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದೆ.
ಮರಿಯನ್ನು ಸುರಕ್ಷಿತವಾಗಿ ರಸ್ತೆ ದಾಟಿಸಿದ ಆನೆ ಹಿಂಡು
ಮಧುಮಲೈ ರಸ್ತೆಯಲ್ಲಿ ಮರಿಯಾನೆ ಸುರಕ್ಷಿತವಾಗಿ ದಾಟಿಸುತ್ತಿದ್ದ ಗಜ ಪರಿವಾರದ ವಿಡಿಯೋವನ್ನು ಕಾರಿನಲ್ಲಿ ತೆರಳುತ್ತಿದ್ದ ಕುಟುಂಬಸ್ಥರು ಸೆರೆ ಹಿಡಿದಿದ್ದಾರೆ. ಮರಿಯಾನೆ ಪಕ್ಕ ಮೂರಾನೆ, ಹಿಂದೆ ಎರಡಾನೆಗಳು, ಈ ತಂಡವನ್ನು ಮುನ್ನಡೆಸುವ ಮತ್ತೆರೆಡು ಆನೆಗಳು ಅದನ್ನು ಸುರಕ್ಷಿತವಾಗಿ ರಸ್ತೆ ದಾಟಿಸಿ ಕಾಡೊಳಗೆ ಕರೆದೊಯ್ದಿವೆ.
ಅತ್ಯಂತ ಜಾಗರೂಕವಾಗಿ, ಸುರಕ್ಷಿತವಾಗಿ ಮರಿಯನ್ನು ಕರೆದೊಯ್ದಿರುವ ವಿಡಿಯೋ ಯೂಟ್ಯೂಬ್ ಸೇರಿದಂತೆ ವಾಟ್ಸ್ಆ್ಯಪ್ನಲ್ಲಿ ಸಖತ್ ಹವಾ ಸೃಷ್ಟಿಸಿದೆ. ಆನೆ ಸಂಘಜೀವಿಯಾಗಿದ್ದು ಹಲವು ವರ್ತನೆಗಳಲ್ಲಿ ಮಾನವನಿಗೆ ಹೋಲಿಕೆಯಾಗಲಿದೆ ಎಂಬ ಮಾತುಗಳು ಕೇಳಿಬಂದಿವೆ.
ಓದಿ: ಚಂಪಕ ಸರಸ್ಸು ಕೊಳ ಪುನಶ್ಚೇತನಕ್ಕೆ YASH BOSS ಉತ್ತೇಜನ.. ಪುರಾತನ ಜಲಮೂಲಕ್ಕೀಗ 'ಯಶೋ ಮಾರ್ಗ'..
