ಚಾಮರಾಜನಗರ: ಬಂಡೀಪುರ ಅಭಯಾರಣ್ಯದಲ್ಲಿ ಹಾದು ಹೋಗುವ ರಸ್ತೆಯಲ್ಲಿ ಕಾರಿನ ಮೇಲೆ ಆನೆಯೊಂದು ದಾಳಿ ನಡೆಸಲು ಮುಂದಾಗಿರುವ ಘಟನೆ ನಡೆದಿದೆ.
ಬಂಡೀಪುರ ರಸ್ತೆಯಲ್ಲಿ ಕಾರಿನ ಮೇಲೆ ದಾಳಿಗೆ ಮುಂದಾದ ಆನೆ.. ದೃಶ್ಯ ಮೊಬೈಲ್ನಲ್ಲಿ ಸೆರೆ
ಮರಿಯಾನೆಯೊಂದಿಗೆ ಎರಡು ಆನೆಗಳು ರಸ್ತೆದಾಟುತ್ತಿದ್ದಾಗ ದಿಢೀರನೇ ಹಿಂದಕ್ಕೆ ಬಂದ ತಾಯಿ ಆನೆ ರಸ್ತೆಬದಿ ನಿಲ್ಲಿಸಿದ ಕ್ವಾಲಿಸ್ ವಾಹನದ ಮೇಲೆ ದಾಳಿ ನಡೆಸಲು ಮುಂದಾಗಿದೆ. ಈ ವೇಳೆ ವಾಹನದೊಳಗಿದ್ದವರು ಕಿರುಚಿಕೊಂಡಿದ್ದು, ಚಾಲಕ ತಕ್ಷಣ ವಾಹನವನ್ನು ವೇಗವಾಗಿ ಮುಂದಕ್ಕೆ ಓಡಿಸಿಕೊಂಡು ಹೋಗಿದ್ದಾನೆ. ಬಳಿಕ ಆನೆಯು ಮರಿಯತ್ತ ಓಡಿಹೋಗಿದೆ. ಆನೆ ದಾಳಿಗೆ ಮುಂದಾದ ದೃಶ್ಯ ಮೊಬೈಲ್ನಲ್ಲಿ ಸೆರೆ ಹಿಡಿಯಲಾಗಿದೆ.
