ಚಾಮರಾಜನಗರ: ಅಬ್ಬಾ ಜಸ್ಟ್ ಮಿಸ್.... ಇಲ್ಲಿ ಬೈಕ್ ಸವಾರರರಿಗೆ ಜೀವ ಒಮ್ಮೆ ಬಾಯಿಗೆ ಬಂದಂತೆ ಆಗಿದೆ. ವ್ಯಾಘ್ರವೊಂದು ಬೈಕ್ ಸವಾರರನ್ನು ಕಂಡು ಮುಗಿಬೀಳಲು ಪ್ರಯತ್ನಿಸಿದ ಭಯಾನಕ ವಿಡಿಯೋವೊಂದು ಸದ್ಯ ವೈರಲ್ ಆಗಿದೆ.
ಈ ಘಟನೆ ನಡೆದದ್ದಾದರೂ ಎಲ್ಲಿ ಅಂತೀರಾ... ಬಂಡೀಪುರ- ಊಟಿ ರಸ್ತೆಯಲ್ಲಿ, ಹೌದು.. ಬೈಕ್ ಸವಾರರಿಬ್ಬರು ಆ ದಾರಿಯಾಗಿ ಹೋಗುತ್ತಿರಬೇಕಾದ್ರೆ ಹುಲಿಯೊಂದು ಓಡುತ್ತಾ ಅವರ ಮೇಲೆ ಮುಗಿಬೀಳಲು ಪ್ರಯತ್ನಿಸಿದೆ. ಕೂದಳೆಲೆ ಅಂತರದಲ್ಲಿ ಬಚಾವ್ ಆದ ವಿಡಿಯೋವೊಂದು ಈಟಿವಿ ಭಾರತಕ್ಕೆ ಲಭ್ಯವಾಗಿದೆ.
ಇನ್ನು ಈ ಸವಾರರು ಬಂಡೀಪುರ ರಸ್ತೆಯಲ್ಲಿ ಬೈಕ್ ನಲ್ಲಿ ಊಟಿಗೆ ತೆರಳುತ್ತಿದ್ದಾಗ ಹುಲಿ ಓಡಿಬಂದು ಬೈಕ್ ನ ಹಿಂಬದಿ ಸವಾರನ ಮೇಲೆ ಅಟ್ಯಾಕ್ ಮಾಡಲು ಮುಂದಾಗಿದೆ. ಬೈಕ್ ಸದ್ದಿಗೆ ಬೆಚ್ಚಿ , ಬಂದಷ್ಟೆ ವೇಗದಲ್ಲಿ ವ್ಯಾಘ್ರ ಮರೆಯಾಗುವುದು ವಿಡಿಯೋದಲ್ಲಿ ಸೆರೆಯಾಗಿದೆ.ಹುಲಿ ಓಡುತ್ತಾ ಹತ್ತಿರ ಬರುತ್ತಿದ್ದಂತೆ ವಿಡಿಯೋ ಮಾಡುತ್ತಿದ್ದ ಹಿಂಬದಿ ಸವಾರನ ಭಯದ ಕೂಗು ವಿಡಿಯೋದಲ್ಲಿ ಸೆರೆಯಾಗಿದೆ. ಸದ್ಯ,ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
