U19 Womens World Cup: ಮುಂದಿನ ವರ್ಷದ ಜನವರಿಯಲ್ಲಿ ಮಲೇಷ್ಯಾದಲ್ಲಿ 19 ವರ್ಷದೊಳಗಿನವರ ಮಹಿಳಾ ಟಿ20 ವಿಶ್ವಕಪ್ ಕ್ರಿಕೆಟ್ ಟೂರ್ನಿ ನಡೆಯಲಿದೆ. ಇದರಲ್ಲಿ ಭಾಗವಹಿಸಲಿರುವ ಅಮೆರಿಕ ತಂಡವನ್ನು ಪ್ರಕಟಿಸಲಾಗಿದೆ. 15 ಸದಸ್ಯರನ್ನೊಳಗೊಂಡ ತಂಡವನ್ನು ಭಾರತೀಯ ಮೂಲದ ಅನಿಕಾ ರೆಡ್ಡಿ ಮುನ್ನಡೆಸಲಿದ್ದಾರೆ.
ಇವರಷ್ಟೇ ಅಲ್ಲದೇ, ಪಗಿಡ್ಯಾಲ ಚೇತನಾ ರೆಡ್ಡಿ, ಇಮ್ಮಡಿ ಸಾನ್ವಿ ಮತ್ತು ಸಾಶಾ ವಲ್ಲಭನೇನಿ ಕೂಡ ಅಮೆರಿಕ ಪರ ಕಣಕ್ಕಿಳಿಯಲಿದ್ದಾರೆ. ಮುಂದಿನ ವರ್ಷ ಜನವರಿ 18ರಿಂದ ಫೆಬ್ರವರಿ 2ರವರೆಗೆ ಮಲೇಷ್ಯಾದ ನಾಲ್ಕು ಸ್ಥಳಗಳಲ್ಲಿ ಮೆಗಾ ಈವೆಂಟ್ ನಡೆಯಲಿದೆ. ಒಟ್ಟು 16 ತಂಡಗಳನ್ನು ನಾಲ್ಕು ಗುಂಪುಗಳಾಗಿ ವಿಂಗಡಿಸಲಾಗಿದೆ.
ಹಾಲಿ ಚಾಂಪಿಯನ್ ಭಾರತ, ವೆಸ್ಟ್ ಇಂಡೀಸ್, ಶ್ರೀಲಂಕಾ ಮತ್ತು ಮಲೇಷ್ಯಾ 'ಎ' ಗುಂಪಿನಲ್ಲಿ ಸ್ಥಾನ ಪಡೆದಿವೆ. 'ಬಿ' ಗುಂಪಿನಲ್ಲಿ ಅಮೆರಿಕ, ಇಂಗ್ಲೆಂಡ್, ಪಾಕಿಸ್ತಾನ, ಐರ್ಲೆಂಡ್, 'ಸಿ' ಗುಂಪಿನಲ್ಲಿ ನ್ಯೂಜಿಲೆಂಡ್, ದಕ್ಷಿಣ ಆಫ್ರಿಕಾ, ನೈಜೀರಿಯಾ, ಸಮೋವಾ, 'ಡಿ' ಗುಂಪಿನಲ್ಲಿ ಆಸ್ಟ್ರೇಲಿಯಾ, ಬಾಂಗ್ಲಾದೇಶ, ನೇಪಾಳ ಮತ್ತು ಸ್ಕಾಟ್ಲೆಂಡ್ ತಂಡಗಳಿವೆ.
USA ಅಂಡರ್-19 ತಂಡ: ಕೋಲನ್ ಅನಿಕಾ ರೆಡ್ಡಿ (ನಾಯಕಿ), ಅದಿತಿಬಾ ಚುಡಾಸಮ (ಉಪನಾಯಕಿ), ಪಗಿಡಾಲ ಚೇತನಾ ರೆಡ್ಡಿ, ಚೇತನ ಪ್ರಸಾದ್, ದಿಶಾ ಧಿಂಗ್ರಾ, ಇಸಾನಿ ಮಹೇಶ್ ವಘೇಲಾ, ಲೇಖಾ ಹನುಮಂತ್ ಶೆಟ್ಟಿ, ಮಹಿ ಮಾಧವನ್, ನಿಖರ್ ಪಿಂಕು ದೋಷಿ, ಪೂಜಾ ಗಣೇಶ್, ಪೂಜಾ ಶಾ, ರಿತುಪ್ರಿಯಾ ಸಿಂಗ್, ಇಮ್ಮಡಿ ಸಾನ್ವಿ, ಸಶಾ ವಲ್ಲಭನೇನಿ, ಸುಹಾನಿ ಥಡಾನಿ.
ವೇಳಾಪಟ್ಟಿ
- 19 ಜನವರಿ 2025 - ಭಾರತ vs ವೆಸ್ಟ್ ಇಂಡೀಸ್
- 21 ಜನವರಿ 2025 - ಭಾರತ vs ಮಲೇಷ್ಯಾ
- 23 ಜನವರಿ 2025 - ಭಾರತ vs ಶ್ರೀಲಂಕಾ
ಇದನ್ನೂ ಓದಿ: ಟಿ20 ಕ್ರಿಕೆಟ್‌ನಲ್ಲಿ ದ್ವಿಶತಕ ಸಿಡಿಸಿದ್ದು ನಾಲ್ವರು ಮಾತ್ರ: ಇದರಲ್ಲಿಬ್ಬರು ಭಾರತೀಯರು!
