ಬೀದರ್: ಕೋವಿಡ್-19 ಸೊಂಕಿಗೆ ಸಂಬಂಧಿಸಿದಂತೆ ಸಂಶಯಾಸ್ಪದ ವ್ಯಕ್ತಿಗಳ ರಕ್ತ ಹಾಗೂ ಕಫದ ಮಾದರಿ ಪರಿಕ್ಷೆ ಮಾಡಿದ ಜಿಲ್ಲಾಡಳಿತ ಇಲ್ಲಿಯವರೆಗೆ 90 ಜನರ ಪೈಕಿ 80 ಜನರ ವರದಿ ನೆಗೆಟಿವ್ ಬಂದಿದ್ದು, ಉಳಿದ 10 ಜನರಲ್ಲಿ ಸೊಂಕು ದೃಡಪಟ್ಟಿರುವ ಅಂಕಿ ಅಂಶವನ್ನು ಜಿಲ್ಲಾಡಳಿತ ಬಿಡುಗಡೆ ಮಾಡಿದೆ.
ಈ ಕುರಿತು ಕೊರೊನಾ ಬುಲೆಟಿನ್ ನಲ್ಲಿ ಜಿಲ್ಲಾಡಳಿತ ತಿಳಿಸಿದೆ. ದೆಹಲಿಯ ಜಮಾತ್ಗೆ ಹೊಗಿ ಬಂದ ಒಟ್ಟು 28 ಜನರ ಪೈಕಿ 10 ಜನರಲ್ಲಿ ಕೋವಿಡ್-19 ಸೊಂಕು ತಗುಲಿರುವುದು ಪ್ರಯೋಗಾಲಯದ ವರದಿಯಲ್ಲಿ ದೃಢಪಟ್ಟಿರುವುದನ್ನು ಬಿಟ್ಟರೆ ಇನ್ಯಾವ ಪಾಸಿಟಿವ್ ಪ್ರಕರಣ ಜಿಲ್ಲೆಯಲ್ಲಿ ಬೆಳಕಿಗೆ ಬಂದಿಲ್ಲ.
ಇನ್ನು ಕಿರ್ಗಿಸ್ತಾನದಿಂದ ಬಂದಿದ್ದ 8 ಜನರನ್ನೂ ಕೂಡ ಪರೀಕ್ಷೆಗೆ ಒಳಪಡಿಸಲಾಗಿದ್ದು, ಇವರ ವರದಿ ಕೂಡ ನೆಗೆಟಿವ್ ಬಂದಿದೆ. ಕ್ವಾರಂಟೇನ್ ನಲ್ಲಿ 578 ಜನರಿಗೆ 14 ದಿನಗಳ ಕಾಲ ಚಿಕಿತ್ಸೆ ನೀಡಲಾಗಿದೆ. ಸದ್ಯಕ್ಕೆ ಒಬ್ಬರು ಮಾತ್ರ ಶಂಕಿತ ಕೊರೊನಾ ಚಿಕಿತ್ಸೆ ಪಡೆಯುತ್ತಿದ್ದಾರೆ.
