ಹೊಸಪೇಟೆ (ಬಳ್ಳಾರಿ): ನಗರದ ಡ್ಯಾಂ ರಸ್ತೆಯ ಎಸ್.ಆರ್.ಗುಜ್ಜಲ್ ಪೆಟ್ರೋಲ್ ಬಂಕ್ನಲ್ಲಿ ಮಳೆನೀರು ಮಿಶ್ರಿತಗೊಂಡ ಪೆಟ್ರೋಲ್ ಹಾಕಿದ ಪರಿಣಾಮ 6 ಬೈಕ್ಗಳ ಇಂಜಿನ್ ಸೀಜ್ ಆಗಿರುವ ಘಟನೆ ನಡೆದಿದೆ.
ಬೈಕ್ ಸವಾರರು ಪೆಟ್ರೋಲ್ ಹಾಕಿಸಿಕೊಂಡು ಮುಂದೆ ಹೋಗುತ್ತಿದ್ದಂತೆ ಬೈಕ್ ಆಫ್ ಆಗಿದ್ದು, ಪರೀಕ್ಷಿಸಿದ ಬಳಿಕ ಪೆಟ್ರೋಲ್ನಲ್ಲಿ ನೀರು ಬೆರೆತಿರುವುದು ಬೆಳಕಿಗೆ ಬಂದಿದೆ. ಅಲ್ಲದೆ ಹಲವರು ತಮ್ಮ ವಾಹನ ಸ್ಟಾರ್ಟ್ ಆಗದೆ ಪರದಾಡಿದ್ದಾರೆ. ಈ ವಿಷಯ ತಿಳಿದು ವಾಹನ ಸವಾರರು ಪೆಟ್ರೋಲ್ ಬಂಕ್ ಮಾಲಿಕರ ವಿರುದ್ಧ ಆಕ್ರೋಶ ಹೊರಹಾಕಿ ಬೈಕ್ ಸರಿಪಡಿಸಿಕೊಡುವಂತೆ ಆಗ್ರಹಿಸಿದ್ದರು.
ಮಳೆ ನೀರು ಮಿಶ್ರಿತ ಪೆಟ್ರೋಲ್ ಹಾಕಿದ ಸಿಬ್ಬಂದಿ
ಈ ಕುರಿತು ಮಾತನಾಡಿದ ಬಂಕ್ ಮಾಲಿಕ ಶಿವರಾಮಪ್ಪ ಗುಜ್ಜಲ್, ಮಳೆ ನೀರು ಮಿಶ್ರಣವಾಗಿರುವುದರಿಂದ ಈ ರೀತಿಯ ಅವಘಡ ಸಂಭವಿಸಿದೆ. ಸಿಬ್ಬಂದಿಗೆ ಈ ಬಗ್ಗೆ ತಿಳಿದಿಲ್ಲ. ಕೆಟ್ಟುಹೋದ ಎಲ್ಲಾ ಬೈಕ್ಗಳನ್ನು ರಿಪೇರಿ ಮಾಡಿಸಿ ಕೊಡಲಾಗುವುದು ಎಂದರು.
