Pushpa 2 KISSIK Kannada Song: ನಟ ಅಲ್ಲು ಅರ್ಜುನ್ ಮತ್ತು ಡ್ಯಾನ್ಸಿಂಗ್ ಕ್ವೀನ್ ಶ್ರೀಲೀಲಾ ಅಭಿನಯದ 'ಕಿಸ್ಸಿಕ್' ಹಾಡು ಎಲ್ಲೆಡೆ ಹವಾ ಎಬ್ಬಿಸುತ್ತಿದೆ. ತೆಲುಗಿನಲ್ಲಿ ಸಖತ್ ಸೌಂಡ್ ಮಾಡುತ್ತಿರುವ ಈ ಹಾಡು ಕನ್ನಡದಲ್ಲೂ ತನ್ನದೇ ಆದ ಹವಾ ಕ್ರಿಯೆಟ್ ಮಾಡುತ್ತಿದೆ. 'ರಪ್ಪನೆ ಬೀಳುತ್ತೋ ರಾಜಾ ರಪ್ಪನೆ ಬೀಳುತ್ತೋ' ಎಂಬ ಹಾಡಿಗೆ ಪಡ್ಡೆ ಹೈಕಳು ಫಿದಾ ಆಗ್ತಿದ್ದಾರೆ. ಯೂಟ್ಯೂಬ್‌ನಲ್ಲಿ ಕೇವಲ 17 ಗಂಟೆಯಲ್ಲಿ ಈ ಹಾಡು 244 ಸಾವಿರ ವೀಕ್ಷಣೆ ಪಡೆದಿದೆ.
ಸೌತ್ ಸಿನಿಮಾ ಇಂಡಸ್ಟ್ರಿಯ ಐಕಾನ್ ಸ್ಟಾರ್‌ಗಳಾದ ಅಲ್ಲು ಅರ್ಜುನ್-ಶ್ರೀಲೀಲಾ ನಟನೆಯ 'ಪುಷ್ಪ 2: ದ ರೂಲ್' ಚಿತ್ರದ ಬಹುನಿರೀಕ್ಷಿತ ಸ್ಪೆಷಲ್ ಸಾಂಗ್ 'ಕಿಸ್ಸಿಕ್' ಶನಿವಾರ ಬಿಡುಗಡೆ ಆಗಿತ್ತು. ಸಿನಿಮಾದ ಮೊದಲ ಭಾಗದ 'ಊ ಅಂಟಾವಾ' ಹಾಡಿನಲ್ಲಿ ಸೌತ್ ಸುಂದರಿ ಸಮಂತಾ ರುತ್ ಪ್ರಭು ಸೊಂಟ ಬಳುಕಿಸಿದ್ದರು. ಆ ಸಾಂಗ್ ಸಖತ್ ಹಿಟ್ ಆಗಿತ್ತು. ಇದೀಗ ಶ್ರೀಲೀಲಾ ಈ ಸಾಂಗ್ನಲ್ಲಿ ಆಕರ್ಷಕವಾಗಿ ಸಖತ್ ಸೊಂಟ ಬಳುಕಿಸಿದ್ದಾರೆ. ತೆಲುಗು, ಕನ್ನಡ, ಹಿಂದಿ ಮತ್ತು ತಮಿಳು ಮಾತ್ರವಲ್ಲದೇ ಬಂಗಾಳಿ ಭಾಷೆಯಲ್ಲಿಯೂ ಹಾಡು ಲಭ್ಯವಿದೆ.
ಈ ಸಾಂಗ್ ಕನ್ನಡ ಲಿರಿಕ್ಸ್ ಅಭಿಮಾನಿಗಳನ್ನು ಮೋಡಿ ಮಾಡುತ್ತಿದೆ. ಡಿಎಸ್‌ಪಿ ಸಂಗೀತ ನೀಡಿರುವ ಈ ಹಾಡು ಕನ್ನಡದಲ್ಲಿಯೂ ಇತ್ತೀಚೆಗೆ ಬಿಡುಗಡೆ ಆಗಿದೆ. ಗಾಯಕಿ ಸುಬ್ಲಾಶಿನಿ ಕಂಠದಲ್ಲಿ ಮೂಡಿಬಂದಿರುವ ಕಿಸ್ ಕಿಸ್ ಕಿಸ್ ಕಿಸ್ಸಿಕ್.. ಕಿಸ್ಸಾ ಕಿಸ್ಸಾ ಕಿಸ್ ಕಿಸ್ಸಿಕ್ ಹಾಡಿಗೆ ವರದರಾಜ್‌ ಚಿಕ್ಕಬಳ್ಳಾಪುರ ಸಾಹಿತ್ಯ ಬರೆದಿದ್ದಾರೆ. ಸದ್ಯ ಹಾಡು ಟ್ರೆಂಡಿಂಗ್ನಲ್ಲಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಕಿಸ್ಸಿಕ್ ಹಾಡಿಗೆ ಹೊಗಳಿಕೆಯ ಜೊತೆಗೆ ಕೆಲ ನೆಗೆಟಿವ್‌ ಕಾಮೆಂಟ್‌ಗಳೂ ಬರುತ್ತಿವೆ.
ಇನ್ನು, ಸಿನಿಮಾ ಬಿಡುಗಡೆಯ ಹೊಸ್ತಿಲಲ್ಲಿದ್ದು, ಈಗಾಗಲೇ ಪ್ರಚಾರ ಪ್ರಾರಂಭಿಸಿದೆ. ಸುಕುಮಾರ್ ಆ್ಯಕ್ಷನ್, ಕಟ್ ಹೇಳಿರುವ ಚಿತ್ರದ ಮುಖ್ಯಭೂಮಿಕೆಯಲ್ಲಿ ರಾಷ್ಟ್ರಪ್ರಶಸ್ತಿ ವಿಜೇತ ನಟ ಅಲ್ಲು ಅರ್ಜುನ್ ಮತ್ತು ಕನ್ನಡತಿ ರಶ್ಮಿಕಾ ಮಂದಣ್ಣ ಅಭಿನಯಿಸಿದ್ದಾರೆ. ನಟ ಫಹಾದ್ ಫಾಸಿಲ್ ಪ್ರಮುಖ ಪಾತ್ರ ನಿರ್ವಹಿಸಿದ್ದಾರೆ. ಇವರ ಜೊತೆ ಜಗಪತಿ ಬಾಬು, ರಾವ್ ರಮೇಶ್, ಸುನೀಲ್, ಅನಸೂಯ, ಧನಂಜಯ್ ಸೇರಿದಂತೆ ಹಲವರು ಚಿತ್ರದಲ್ಲಿ ತಮ್ಮದೇ ಆದ ಮುಖ್ಯ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಡಿಸೆಂಬರ್ 5ರಂದು ಸಿನಿಮಾ ಅದ್ಧೂರಿಯಾಗಿ ಚಿತ್ರಮಂದಿರ ಪ್ರವೇಶಿಸಲಿದ್ದು, ಪ್ರಮೋಶನ್ ಜೋರಾಗಿದೆ. ಮೈತ್ರಿ ಮೂವೀ ಮೇಕರ್ಸ್ ಬ್ಯಾನರ್‌ ಅಡಿಯಲ್ಲಿ ನಿರ್ಮಾಣಗೊಂಡಿರುವ ಬಿಗ್ ಬಜೆಟ್ ಪ್ರಾಜೆಕ್ಟ್ ಎಷ್ಟರ ಮಟ್ಟಿಗೆ ಗೆಲುವು ಕಾಣಲಿದೆ ಅನ್ನೋದು ಮುಂಬರುವ ದಿನಗಳಲ್ಲಿ ತಿಳಿದು ಬರಲಿದೆ.
ಇದನ್ನೂ ಓದಿ: ಮಗನ ಡೈರೆಕ್ಷನ್ನಲ್ಲಿ ತಂದೆ ನಟನೆ: 'ತಮಟೆ' ವಾದ್ಯಗಾರನೊಬ್ಬನ ಜೀವನಾಧಾರಿತ ಕಥೆಯಿದು
