ಬಳ್ಳಾರಿ : ಜಿಲ್ಲೆಯ ಕಂಪ್ಲಿ ತಾಲೂಕಿನ ಬಸವೇಶ್ವರನಗರ ಕ್ಯಾಂಪಿನಲ್ಲಿ ಕಳೆದ ಕೆಲ ದಿನಗಳ ಹಿಂದೆ ಮಂಗವೊಂದು ಮೃತ ವ್ಯಕ್ತಿಯ ಅಂತಿಮ ಸಂಸ್ಕಾರ ಹಾಗೂ ತಿಥಿ ಕಾರ್ಯದಲ್ಲಿ ಭಾಗಿಯಾಗುವ ಮೂಲಕ ಅಚ್ಚರಿ ಮೂಡಿಸಿತ್ತು. ಇದೀಗ ಮಂಗನ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗ್ತಿದೆ.
ವ್ಯಕ್ತಿಯ ಅಂತ್ಯಸಂಸ್ಕಾರದಲ್ಲಿ ಭಾಗಿಯಾದ ವಾನರ
ಕಳೆದ ಜೂನ್ 30ರಂದು ಬಸವೇಶ್ವರ ನಗರ ಕ್ಯಾಂಪಿನ ನಿವಾಸಿಯಾಗಿದ್ದ ವಿಶ್ವನಾಥ್ ರಾಜು(70) ಮೃತಪಟ್ಟಿದ್ದರು. ಆ ದಿನ ಮಂಗವೊಂದು ಅವರ ಅಂತಿಮ ಸಂಸ್ಕಾರಕ್ಕೆ ಬಂದಿತ್ತು. ಮಂಗ ಮೃತ ವ್ಯಕ್ತಿಯ ತಲೆಯ ಮೇಲಿನ ಹೊದಿಕೆ ತೆಗೆದು ಮುಖದ ಮೇಲೆ ತಲೆ ಇಟ್ಟು ಮರುಗಿದ್ದನ್ನು ಕಂಡ ಸ್ಥಳೀಯರು ಅಚ್ಚರಿಗೊಂಡಿದ್ದರು.
ಅಷ್ಟೇ ಅಲ್ಲ, ಮೃತ ವಿಶ್ವನಾಥ್ ಅವರ 9ನೇ ದಿವಸದ ಕಾರ್ಯಕ್ಕೂ ಸಹ ಮಂಗ ಆಗಮಿಸಿತ್ತು. ವಿಧಿ-ವಿಧಾನದ ವೇಳೆ ಪೂಜಾರಿ ತೊಡೆ ಮೇಲೆ ಕೂತು ನೋಡುಗರಲ್ಲಿ ಆಶ್ಚರ್ಯ ಉಂಟು ಮಾಡಿತ್ತು.
