ಹೊಸಪೇಟೆ : ತಾಲೂಕಿನಲ್ಲಿ ಗಣೇಶ ಚತುರ್ಥಿಯನ್ನು ಜನರು ಸಡಗರ ಸಂಭ್ರಮದಿಂದ ಆಚರಿಸಿದರು. ದೇವಸ್ಥಾನ ಹಾಗೂ ಮನೆಗಳಲ್ಲಿ ವಿನಾಯಕ ಮೂರ್ತಿಯನ್ನು ಪ್ರತಿಷ್ಠಾಪಿಸಿ ಭಕ್ತಿ, ಶ್ರದ್ಧೆಯಿಂದ ಪೂಜೆಗೈದರು.
ಹೊಸಪೇಟೆಯಲ್ಲಿ ವಿನಾಯಕ ಚತುರ್ಥಿ ಸಂಭ್ರಮ
ಪಟೇಲ ನಗರ, ಚಿತ್ರಕೇರಿ, ಚಪ್ಪರದಹಳ್ಳಿ, ಚಿತ್ತವಾಡ್ಗಿ, ಬಸವೇಶ್ವರ ಬಡಾವಣೆ, ಮೃತ್ಯುಂಜಯ ನಗರ, ಎಂ.ಪಿ.ಪ್ರಕಾಶ ನಗರ ಸೇರಿದಂತೆ ಎಲ್ಲೆಡೆ ಗಣೇಶ ಹಬ್ಬವನ್ನು ಭಕ್ತಿ, ಭಾವದಿಂದ ಆಚರಿಸಲಾಯಿತು. ಮೃತ್ಯುಂಜಯ ನಗರದ ಪ್ರಾರ್ಥನಾ ಮಂದಿರಲ್ಲಿ ಗಣೇಶ ಮೂರ್ತಿಯನ್ನು ಪ್ರತಿಷ್ಠಾಪಿಸಿ ವಿಶೇಷ ಪೂಜೆಯನ್ನು ಸಲ್ಲಿಸಲಾಯಿತು.
ಮನೆಯಲ್ಲಿ ಗಣೇಶನನ್ನು ಪ್ರತಿಷ್ಠಾಪಿಸಿ ಜನರು ಕುಟುಂಬ ಸಮೇತ ಪೂಜೆ ಮಾಡಿದರು. ಗಣೇಶನಿಗೆ ಕಡಬು ಸೇರಿದಂತೆ ನಾನಾ ಸಿಹಿ ಖಾದ್ಯ ಹಾಗೂ ವಿವಿಧ ಬಗೆಯ ಹಣ್ಣುಗಳನ್ನು ನೈವೇದ್ಯ ಮಾಡಲಾಗಿತ್ತು. ಅಲ್ಲದೇ, ಗಣೇಶ ಮೂರ್ತಿಗೆ ವಿದ್ಯುತ್ ದೀಪಗಳಿಂದ ಅಲಂಕಾರ ಮಾಡಲಾಗಿತ್ತು. ಗಣೇಶ ಭಕ್ತಿಗೀತೆಗಳನ್ನು ಹಾಡಿ ಸಂಭ್ರಮಿಸಿದರು.
