ಹೊಸಪೇಟೆ (ವಿಜಯನಗರ): ನಗರದ ದೈಹಿಕ ಶಿಕ್ಷಕರೊಬ್ಬರು ವೆಂಟಿಲೇಟರ್ ಬೆಡ್ಗಾಗಿ ಪರದಾಡಿದ್ದಾರೆ. ಕೊರೊನಾ ವಾರಿಯರ್ ಆಗಿರುವ ನಿಸಾರ್ ಅಹಮ್ಮದ್ಗೆ ನಿನ್ನೆ ರಾತ್ರಿ ಕೊರೊನಾ ದೃಢವಾಗಿದ್ದು, ಬೆಡ್ಗಾಗಿ ಪರದಾಡಿದ್ದಾರೆ.
ತಡರಾತ್ರಿ ಇಲ್ಲಿನ ಸರ್ಕಾರಿ ಆಸ್ಪತ್ರೆಗೆ ಕರೆತಂದಿದ್ದು, ವೆಂಟಿಲೇಟರ್ ಬೆಡ್ ಕೊರತೆ ಎದುರಾಗಿತ್ತು. ಈ ಹಿನ್ನೆಲೆ ಶಿಕ್ಷಕ ನಿಸಾರ್ ಅವರನ್ನು ತಕ್ಷಣ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಖಾಸಗಿ ಆಸ್ಪತ್ರೆಯಲ್ಲೂ ಸೂಕ್ತ ಚಿಕಿತ್ಸೆ ದೊರಕದ ಹಿನ್ನೆಲೆ ಹೊಸಪೇಟೆ ತಾಲೂಕು ಆಡಳಿತ ಕೊಪ್ಪಳ ಜಿಲ್ಲೆಯ ಗಂಗಾವತಿಗೆ ಚಿಕಿತ್ಸೆಗಾಗಿ ರವಾನಿಸಿದೆ.
ಈ ಕುರಿತು ಕೊರೊನಾ ವಾರಿಯರ್ ಜಾಕೀರ್ ಮಾತನಾಡಿ, ವಿಜಯನಗರ - ಬಳ್ಳಾರಿ ಅವಳಿ ಜಿಲ್ಲೆಗಳಲ್ಲಿ ವೆಂಟಿಲೇಟರ್ ಬೆಡ್ ಇಲ್ಲದ ಕಾರಣ ಪಕ್ಕದ ಜಿಲ್ಲೆಗೆ ರವಾನೆ ಮಾಡುವಂತಾಗಿದೆ. ನಾವು ಟ್ರೇಸಿಂಗ್ ಟೀಮ್ನಲ್ಲಿ ಕೆಲಸ ಮಾಡ್ತಿದ್ದೇವೆ. ನಮಗೆ ಪ್ರತ್ಯೇಕ ಬೆಡ್ಗಳನ್ನು ಚಿಕಿತ್ಸೆಗೆ ಮೀಸಲಿಡಿ. ರಿಸ್ಕ್ನಲ್ಲಿ ಕೆಲಸ ಮಾಡೋ ನಮಗೆ ಚಿಕಿತ್ಸೆ ಸಿಗದೇ ಇದ್ದರೆ ಕಷ್ಟ ಅಂತ ಅಳಲು ತೋಡಿಕೊಂಡಿದ್ದಾರೆ.
