ಬಳ್ಳಾರಿ:ಮೈನ್ಸ್ ಲಾರಿಗಳ ಅಬ್ಬರಕ್ಕೆ ಬ್ರೇಕ್ ಹಾಕಿದ ಪೊಲೀಸರು

ಗಣಿ ಜಿಲ್ಲೆ ಬಳ್ಳಾರಿಯಲ್ಲಿ ಮೈನಿಂಗ್​ ಲಾರಿಗಳ ಹಾವಳಿಗಹೆ ಕಡಿವಾಣ ಹಾಕಲು ಪೊಲೀಸ್​ ಇಲಾಖೆ ಮುಂದಾಗಿದೆ..

ಬಳ್ಳಾರಿ: ನಿಯಮ ಮೀರಿ ಓಡಾಡುತ್ತಿರುವ ಮೈನ್ಸ್ ಲಾರಿಗಳ ಅಬ್ಬರಕ್ಕೆ ಬ್ರೇಕ್ ಹಾಕಲು ಮುಂದಾಗಿರುವ ಜಿಲ್ಲಾ ಪೊಲೀಸರು ಚಾಲಕರಿಗೆ ಬಿಸಿ ಮುಟ್ಟಿಸಿದ್ದಾರೆ.

50ಕ್ಕೂ ಹೆಚ್ಚು ಮೈನ್ಸ್ ಲಾರಿಗಳನ್ನು ತಡೆದು ದಂಡ ಹಾಕಿದ್ದಾರೆ. ನಿನ್ನೆ ರಾತ್ರಿ ಜಿಲ್ಲಾ ವರಿಷ್ಠಾಧಿಕಾರಿ ಸೈದುಲಾ ಅಡಾವತ್​ ಆದೇಶದ ಮೇರೆಗೆ ಕುಡುತಿನಿ ಪಿಎಸ್ಐ ಈ ಕ್ರಮ ಕೈಗೊಂಡಿದ್ದಾರೆ.

ಈ ಹಿನ್ನೆಲೆ ಕಾರ್ಯಪ್ರವೃತ್ತರಾದ ಪೊಲೀಸರು ನಿಯಮ ಬಾಹಿರವಾಗಿ ಸಂಚರಿಸುತ್ತಿರುವ ಲಾರಿ ಮಾಲೀಕರಿಗೆ ವಾರ್ನ್​ ಮಾಡಿದ್ದಾರೆ.