ಬಳ್ಳಾರಿ: ಮಹಾಮಾರಿ ಕೊರೊನಾ ಸೋಂಕಿನಿಂದ ಬಳಲುತ್ತಿದ್ದ ತಂದೆ ಸಾವಿಗೀಡಾದ ಸುದ್ದಿ ಕೇಳಿದ ಮಗ ಕರ್ತವ್ಯನಿರತ ವೈದ್ಯಕೀಯ ಸ್ನಾತಕೋತ್ತರ ವಿದ್ಯಾರ್ಥಿನಿಯೊಬ್ಬರ ಮೇಲೆ ಹಲ್ಲೆ ನಡೆಸಿದ್ದಾನೆ.
ತಾಲೂಕಿನ ಸಂಗನಕಲ್ಲು ಗ್ರಾಮದ ಮಲ್ಲಿಕಾರ್ಜುನಗೌಡ ಎಂಬುವವರು ಕೊರೊನಾ ಸೋಂಕಿಗೆ ಒಳಗಾಗಿ ನಗರದ ವಿಮ್ಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ನಿನ್ನೆ ತಡರಾತ್ರಿಯೇ ಅವರು ಸಾವೀಗಿಡಾಗಿದ್ದರು. ಇದರಿಂದ ಮನನೊಂದ ಮಗ ತಿಪ್ಪೇಸ್ವಾಮಿ ಕೋವಿಡ್ ಕೇರ್ ಸೆಂಟರ್ ಒಳಗಡೆ ಪ್ರವೇಶಿಸಿ ಕರ್ತವ್ಯನಿರತ ವೈದ್ಯಕೀಯ ಸ್ನಾತಕೋತ್ತರ ವಿದ್ಯಾರ್ಥಿನಿಯ ಮೇಲೆ ಹಲ್ಲೆ ನಡೆಸಿದ್ದಾನೆ.
ಆ ವಿದ್ಯಾರ್ಥಿನಿಗೆ ಕಪಾಳ ಮೋಕ್ಷ ಮಾಡುತ್ತಿದ್ದಂತೆಯೇ ಆಕೆ ದಾದಿಯರತ್ತ ಓಡಿ ಹೋಗುತ್ತಾಳೆ. ವಿದ್ಯಾರ್ಥಿನಿಯ ಹಿಂದೆಯೇ ತೆರಳಿದ ತಿಪ್ಪೇಸ್ವಾಮಿ ಬಾಗಿಲನ್ನ ಮುಚ್ಚಿ ಆಕೆ ಮೇಲೆ ತಳ್ಳಿರುವುದು ಸಿಸಿಟಿವಿ ಸೆರೆಯಾಗಿದೆ. ಈ ಕುರಿತು ಕೌಲ್ ಬಜಾರ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಓದಿ: ಹಾಸನದಲ್ಲಿ ಬರ್ಬರ ಕೊಲೆ: ರೌಡಿಶೀಟರ್ ತಲೆ ಎರಡು ಹೋಳು ಮಾಡಿ ದುಷ್ಕರ್ಮಿಗಳು ಪರಾರಿ!
