ನಿಯಮ ಉಲ್ಲಂಘಿಸಿದ್ದಕ್ಕೆ ದರ್ಪ ತೋರಿಸಿದ್ರಂತೆ ಬೆಳಗಾವಿ ಪೊಲೀಸರು!: ವಿಡಿಯೋ ವೈರಲ್​​

ಸಂಚಾರ ನಿಯಮ ಉಲ್ಲಂಘಿಸಿದ್ದಕ್ಕೆ ಪೊಲೀಸರು ಬೈಕ್ ಸವಾರನ ಮೊಬೈಲ್ ಕಸಿದುಕೊಂಡು ದರ್ಪ ತೋರಿರುವ ಘಟನೆ ಬೆಳಗಾವಿಯ ವಿಶ್ವನಾಥ ಕತ್ತಿ ದಂತ ಮಹಾವಿದ್ಯಾಲಯದ ಎದುರು ನಡೆದಿದೆ.

ಬೆಳಗಾವಿ: ಸಂಚಾರ ನಿಯಮ ಉಲ್ಲಂಘಿಸಿದ್ದಕ್ಕೆ ಪೊಲೀಸರು ಬೈಕ್ ಸವಾರನ ಮೊಬೈಲ್ ಕಸಿದುಕೊಂಡು ದರ್ಪ ತೋರಿರುವ ಘಟನೆ ಬೆಳಗಾವಿಯ ವಿಶ್ವನಾಥ ಕತ್ತಿ ದಂತ ಮಹಾವಿದ್ಯಾಲಯದ ಎದುರು ನಡೆದಿದೆ.

ಹೆಲ್ಮೆಟ್ ಧರಿಸದೇ ಬೈಕ್ ಚಲಾಯಿಸುತ್ತಿದ್ದ ಯುವಕ ಸಂಚಾರ ನಿಯಮ ಉಲ್ಲಂಘಿಸಿದ್ದಾನೆಂದು ಯುವಕನನ್ನು ತಡೆದಿರುವ ಪೊಲೀಸರು ಸಭ್ಯತೆಯಿಂದ ವರ್ತಿಸದೇ ಮೊಬೈಲ್ ಕಸಿದುಕೊಂಡಿದ್ದಾರೆ ಎನ್ನಲಾಗಿದೆ. ‌ನಿಯಮ ಉಲ್ಲಂಘಿಸಿದಕ್ಕೆ ದಂಡ ಪಾವತಿಸುತ್ತೇನೆ, ಮೊಬೈಲ್ ಮರಳಿಸುವಂತೆ ಯುವಕ ಕೇಳಿಕೊಂಡಿದ್ದಾನೆ. ಆದರೆ, ಪೊಲೀಸರು ‌ಯುವಕನಿಗೆ ಮೊಬೈಲ್ ನೀಡದೇ ಸತಾಯಿಸಿದ್ದು, ಪೊಲೀಸರು-ಯುವಕನ ಮಧ್ಯೆ ನಡೆದ ವಾಗ್ವಾದದ ದೃಶ್ಯವನ್ನು ಸ್ಥಳೀಯ ಯುವಕನೊಬ್ಬ ಮೊಬೈಲ್​ನಲ್ಲಿ ಸೆರೆಹಿಡಿದ್ದಾನೆ.